ICC T20 Player Rankings:आयसीसी टी-20 टाॅप रँकिंगमध्ये फक्त आणि फक्त टीम इंडियाचा बोलबाला! गोलंदाज, फलंदाज अन् अष्टपैलूमध्ये कोणत्या कितव्या नंबरवर?
ICC T20 Player Rankings: हार्दिक पांड्या टी-20 आंतरराष्ट्रीय अष्टपैलू खेळाडूंच्या क्रमवारीत अव्वल स्थानावर आहे. पाकिस्तानचा साईम अयुब चार स्थानांनी पुढे सरकला आहे आणि अभिषेक चार स्थानांनी पुढे सरकला आहे.
ICC T20 Player Rankings: आयसीसीच्या टी-20 रँकिंगमध्ये, भारतीय खेळाडूंनी फलंदाज, गोलंदाज आणि अष्टपैलू या तिन्ही श्रेणींमध्ये अव्वल स्थान पटकावलं आहे. वरुण चक्रवर्ती पहिल्यांदाच अव्वल गोलंदाज ठरला. टी-20 रँकिंगमध्ये नंबर वन गोलंदाज बनणारा तो तिसरा भारतीय खेळाडू आहे. त्याच्या आधी जसप्रीत बुमराह आणि रवी बिश्नोई यांनी ही कामगिरी केली आहे. फलंदाज अभिषेक शर्मा त्याच्या कारकिर्दीतील सर्वोच्च रेटिंगसह पहिल्या क्रमांकावर आहे. अष्टपैलू खेळाडूंमध्ये हार्दिक पांड्या अव्वल स्थानावर आहे.
वरुण चक्रवर्तीची आशिया कपमध्ये प्रभावी कामगिरी
34 वर्षीय फिरकी गोलंदाजाने आशिया कपमध्ये आपली प्रभावी कामगिरी सुरू ठेवली. त्याने युएईविरुद्ध दोन षटकांत फक्त 4 धावा देत 1 बळी आणि पाकिस्तानविरुद्ध चार षटकांत 24 धावा देत 1 बळी घेतला. त्याने रँकिंगमध्ये तीन स्थानांनी झेप घेतली आहे आणि न्यूझीलंडचा वेगवान गोलंदाज जेकब डफीला मागे टाकले आहे.
अभिषेक शर्मा अव्वल स्थानावर
अभिषेक शर्मा फलंदाजीत अव्वल स्थानावर आहे. त्याने 14 सप्टेंबर रोजी पाकिस्तानविरुद्ध 31 धावांची खेळी खेळली. इंग्लंडचा सलामीवीर फिल साल्ट दुसऱ्या स्थानावर आणि जोस बटलर तिसऱ्या स्थानावर पोहोचला आहे. दक्षिण आफ्रिकेचा डेवाल्ड ब्रुईस दोन स्थानांनी पुढे सरकला आहे आणि एडेन मार्कराम 10 स्थानांनी पुढे सरकला आहे आणि 30 व्या स्थानावर पोहोचला आहे.
पांड्या ऑलराउंडर्सच्या क्रमवारीत अव्वल स्थानावर कायम
हार्दिक पांड्या टी-20 आंतरराष्ट्रीय अष्टपैलू खेळाडूंच्या क्रमवारीत अव्वल स्थानावर आहे. अभिषेक चार स्थानांनी पुढे सरकला आहे.
कुलदीप यादव 23 व्या स्थानावर पोहोचला
604च्या रेटिंगसह, फिरकी गोलंदाज कुलदीप यादव 16स्थानांनी झेप घेऊन 23 व्या स्थानावर पोहोचला आहे. आशिया कप पहिल्या सामन्यात कुलदीपने यूएईविरुद्ध 2.1 षटकांत 7 धावा देत 4 बळी घेतले. पाकिस्तानविरुद्ध त्याने 4 षटकांत 18 धावा देत 3 बळी घेतले. दोन्ही सामन्यांमध्ये कुलदीपला सामनावीर म्हणून घोषित करण्यात आले.
इतर महत्वाच्या बातम्या
महत्त्वाच्या बातम्या
