Pat Cummins: वनडे वर्ल्डकपमध्ये 140 कोटी जनतेला एका झटक्यात शांत करणारं 'ब्रह्मास्त्र' हैदराबाद संघात दाखल, तरीही संघाचं टेन्शन कायम!

प्रफुल्ल हिंगे आणि शकिब हुसेन यांनी त्यांच्या आयपीएल पदार्पणात उत्कृष्ट कामगिरी केली असली तरी, हैदराबादच्या वेगवान गोलंदाजी आक्रमणातील अनुभवाची कमतरता स्पष्टपणे दिसून येत आहे.

Pat Cummins Joins SRH

Source : X (Twitter)

Pat Cummins: सतत येणाऱ्या वाईट बातम्यांदरम्यान, सनरायझर्स हैदराबादसाठी सुखद बातमी समोर आली आहे. टीम इंडियाला भारतात हरवून ऑस्ट्रेलियाला वनडे जिंकून देणारा पॅट कमिन्स एसआरएच (SRH) संघात सामील झाला आहे. पॅट कमिन्स पाठीच्या दुखापतीमुळे त्रस्त असून अंतिम तपासणीसाठी तो ऑस्ट्रेलियाला परतला आहे. संघाचा नियमित कर्णधार असलेला कमिन्स आज संघात सामील होण्याची शक्यता आहे. सनरायझर्स हैदराबादला वेगवान गोलंदाजी विभागात अडचणींचा सामना करावा लागत आहे. ब्रायडन कार्स आणि डेव्हिड पेन दुखापतीमुळे संपूर्ण स्पर्धेतून बाहेर झाले आहेत. जयदेव उनाडकट आणि हर्षल पटेल फारसे प्रभावी ठरलेले नाहीत. प्रफुल्ल हिंगे आणि शकिब हुसेन यांनी त्यांच्या आयपीएल पदार्पणात उत्कृष्ट कामगिरी केली असली तरी, हैदराबादच्या वेगवान गोलंदाजी आक्रमणातील अनुभवाची कमतरता स्पष्टपणे दिसून येत आहे.

We promise Shreyas and Pat didn't hit "Auto tune" here 😁

RAW and unfiltered - both captains ahead of the #Final 🏆 #TATAIPL | #TheFinalCall | #KKRvSRH | @KKRiders | @SunRisers | @ShreyasIyer15 | @patcummins30 pic.twitter.com/ZI1YhI6UCY

— IndianPremierLeague (@IPL) May 26, 2024

पहिला सामना कधी खेळणार?

जर पॅट कमिन्स सनरायझर्स हैदराबाद संघात सामील झाला, तर तो आपला पहिला सामना लगेच खेळेल का? एसआरएचचा सामना आज 18 एप्रिल रोजी चेन्नई सुपर किंग्सविरुद्ध होणार आहे, परंतु कमिन्स त्या सामन्यात खेळू शकणार नाही अशी शक्यता आहे. त्याने नुकतेच एका सोशल मीडिया पोस्टद्वारे सांगितले की, 25 एप्रिल रोजी राजस्थान रॉयल्सविरुद्ध खेळणे हे त्याचे ध्येय आहे. याचा अर्थ हैदराबादला कमिन्सशिवाय आणखी दोन सामने खेळावे लागू शकतात. कमिन्सच्या अनुपस्थितीत, इशान किशन संघाचे नेतृत्व करत आहे. त्याच्या नेतृत्वाखाली संघाची कामगिरी संमिश्र राहिली आहे.

सनरायझर्स हैदराबाद कामगिरी कशी आहे?

सनरायझर्स हैदराबाद आयपीएल 2026 च्या गुणतालिकेत चौथ्या स्थानावर असेल, पण त्यांच्या कामगिरीतील विसंगती स्पष्टपणे दिसून येत आहे. पाच सामन्यांत दोन विजय मिळवून हैदराबादकडे केवळ चार गुण आहेत. त्यांच्या शेवटच्या सामन्यात, एसआरएच व्यवस्थापनाने प्रफुल्ल हिंगे आणि शकिब हुसेन यांना आयपीएलमध्ये पदार्पण करण्याची संधी देऊन एक मोठा धोका पत्करला. हा प्रयोग यशस्वी ठरला, कारण या दोन युवा खेळाडूंनी मिळून राजस्थानच्या फलंदाजीची धुलाई करत एकूण आठ बळी घेतले. आता, चेन्नई सुपर किंग्सला हरवून आपली विजयी मालिका कायम ठेवण्याचा प्रयत्न करेल.

इतर महत्वाच्या बातम्या