Harbhajan Singh : भारताचा पैसा घेऊन भारतालाच वर्ल्डकपमध्ये हरवत आहेत; थेट हरभजन बोलला, सुरैश रैनालाही हसू आवरेना! नेमका प्रसंग घडला तरी काय?
Harbhajan Singh : IPL 2024 च्या माध्यमातून स्टार्क दीर्घ कालावधीनंतर स्पर्धेत परतणार आहे. तो 2015 मध्ये आयपीएलचा शेवटचा सामना खेळला होता.
Harbhajan Singh : मिचेल स्टार्क आयपीएलचा सर्वात महागडा खेळाडू ठरल्यापासूनच चर्चेत आहे. IPL 2024 च्या मिनी लिलावात स्टार्कला कोलकाता नाईट रायडर्सने 24.75 कोटी रुपयांना विकत घेतले. आता भारतीय क्रिकेट संघाचा माजी फिरकीपटू हरभजन सिंगने सोशल मीडियावर एक व्हिडिओ शेअर केला आहे, ज्यामध्ये मिचेल स्टार्क 'भारतीयांकडून पैसे घेऊन भारताला विश्वचषकात पराभूत करत आहेत' असे म्हणताना दिसत आहे.
मात्र, हरभजन सिंगने सोशल मीडियावर शेअर केलेला व्हिडिओ डब व्हर्जन आहे. व्हिडीओमध्ये स्टार्क बोलत असताना दिसत आहे, मात्र दुसरं कोणीतरी बोलत (डबिंग) आहे. व्हिडिओची सुरुवात डब केलेल्या आवाजाने होते, ज्यामध्ये असे ऐकू येते की, "तुम्हाला असे काही काम मिळाले तर भारतात या आणि दोन महिने क्रिकेट खेळा, तुमच्या खात्यात 25-30 कोटी रुपये जमा करा. काम नाही, फक्त जाहिरातीत या हिंदीत संवाद करा, सोशल मीडिया टीमसाठी एक रील बनवा. थोडी हलकी वेगवान गोलंदाजी करा."
View this post on Instagram
सुरेश रैनाने प्रतिक्रिया दिली
हरभजनने हा व्हिडिओ इंस्टाग्रामवर शेअर केला आहे. सुरेश रैनाने व्हिडिओवर हसती इमोजी कमेंट केली. याशिवाय आणखी एका युजरने लिहिले की, "भज्जीने हे अपलोड करताना संकोच केला नाही." एका यूजरने लिहिले की, "मस्करीमध्ये सत्य सांगितले."
View this post on Instagram
मिशेल स्टार्क बऱ्याच दिवसांनी आयपीएलमध्ये परतणार
IPL 2024 च्या माध्यमातून स्टार्क दीर्घ कालावधीनंतर स्पर्धेत परतणार आहे. तो 2015 मध्ये आयपीएलचा शेवटचा सामना खेळला होता. याच्या एक वर्ष आधी म्हणजेच 2014 मध्ये स्टार्कने आयपीएलमध्ये पदार्पण केले होते. ऑस्ट्रेलियन फलंदाजाने आतापर्यंत एकूण 27 आयपीएल सामने खेळले आहेत, ज्यामध्ये त्याने 26 डावात गोलंदाजी करताना 20.38 च्या सरासरीने 34 बळी घेतले आहेत. या कालावधीत त्याची सरासरी 7.17 आहे. त्याचे आयपीएलमध्ये पुनरागमन कसे होते हे पाहणे उत्सुकतेचे ठरणार आहे.
इतर महत्वाच्या बातम्या
महत्त्वाच्या बातम्या
