CSK Vs PBKS, 1st Innings Score: चेन्नईनं पंजाबला 106 धावात रोखलं, दीपक चहरची शानदार गोलंदाजी, शाहरुख खानची एकाकी झुंज
CSK vs PBKS , IPL 2021 1st Innings Highlights: चेन्नईनं पंजाबला अवघ्या 106 धावांमध्ये रोखलं आहे. दीपक चहरच्या शानदार गोलंदाजीपुढं पंजाबच्या फलंदाजांनी अक्षरश: नांग्या टाकल्या. पंजाबनं शाहरुख खानच्या 47 धावांच्या बळावर कशीबशी शंभरी पार केली.
CSK vs PBKS , IPL 2021 1st Innings Highlights: मुंबईतील वानखेडे स्टेडियमवर सुरु असलेल्या पंजाब विरुद्ध चेन्नईतील सामन्यात चेन्नईनं पंजाबला अवघ्या 106 धावांमध्ये रोखलं आहे. दीपक चहरच्या शानदार गोलंदाजीपुढं पंजाबच्या फलंदाजांनी अक्षरश: नांग्या टाकल्या. पंजाबनं शाहरुख खानच्या 47 धावांच्या बळावर कशीबशी शंभरी पार केली.
दीपक चहरने टाकलेल्या पहिल्याच षटकात मयांकला बाद केलं. त्याला भोपळाही फोडता आला नाही. त्यानंतर तिसऱ्या षटकात कर्णधार राहुलला धावबाद झाला. दीपकने पुन्हा ख्रिस गेल (10) आणि निकोलस पूरनला (0) एकापाठोपाठ बाद करत पंजाबचं कंबरडं मोडलं. त्यानंतर दीपक हुडाला 10 धावांवर बाद करत दीपक चहरने चौथी विकेट घेतली. दीपके शानदार गोलंदाजी करत 4 षटकात केवळ 13 धावा देत 4 बळी टिपले.
यानंतर झाय रिचर्ड्सननं 15 करत शाहरुख खानला साथ दिली. मोईन अलीने रिचर्ड्सनला (15) बाद करत त्यांची 31 धावांची भागीदारी मोडली. एका बाजूने शाहरुख खानने आपली आक्रमक फटकेबाजी सुरूच ठेवली. शाहरुखने 36 चेंडूत 47 धावा केल्या. त्याने 4 चौकार आणि 2 षटकार लगावले. चेन्नईकडून दीपक चहरने 4 तर ब्राव्हो, मोईन अली, सॅम करननं एक एक विकेट घेतली.
महत्त्वाच्या बातम्या
ट्रेंडिंग न्यूज
