Eng vs Ind 3rd Test : 'सकाळपर्यंत मी गोंधळलेलो होतो...' सलग तिसऱ्या सामन्यात टॉस हरल्यानंतर शुभमन गिल काय म्हणाला? टीम इंडियात मोठा बदल
भारत आणि इंग्लंडमधील तिसरा कसोटी सामना लॉर्ड्सवर खेळला जात आहे. भारत आणि इंग्लंडमधील मालिका 1-1 अशी बरोबरीत आहे.
England vs India 3rd Test : भारत आणि इंग्लंडमधील तिसरा कसोटी सामना लॉर्ड्सवर खेळला जात आहे. भारत आणि इंग्लंडमधील मालिका 1-1 अशी बरोबरीत आहे. पहिल्या कसोटीत इंग्लंडने भारताचा पराभव केला. एजबॅस्टन येथे झालेल्या दुसऱ्या कसोटी सामन्यात टीम इंडियाने ब्रिटिशांचा पराभव केला. आता दोन्ही संघ लॉर्ड्स कसोटी जिंकून मालिकेत आघाडी घेण्याचा प्रयत्न करतील.
लॉर्ड्सवरील तिसऱ्या कसोटीत इंग्लंडचा कर्णधार बेन स्टोक्सने नाणेफेक जिंकून प्रथम फलंदाजी करण्याचा निर्णय घेतला. इंग्लंडचा कर्णधार बेन स्टोक्सने प्लेइंग-11 मध्ये एक बदल केला आहे. जोश टँगच्या जागी जोफ्रा आर्चरला स्थान देण्यात आले आहे. त्याच वेळी, भारतीय संघातही बदल झाला आहे. प्रसिद्ध कृष्णाच्या जागी जसप्रीत बुमराह आला आहे.
सलग तिसऱ्या सामन्यात टॉस हरल्यानंतर शुभमन गिल काय म्हणाला?
भारतीय कर्णधार शुभमन गिलने सांगितले की, आज सकाळपर्यंत मी गोंधळलेलो होतो की काय करावं. पण मी टॉस जिंकलो असतो तर आधी गोलंदाजीच घेतली असती. मी काल इथे आलो, तेव्हा खेळपट्टीवर थोडं गवत होतं. पहिल्या सत्रात गोलंदाजांसाठी काहीतरी नक्कीच होतं. आमचे गोलंदाज खूप आत्मविश्वासात आहेत. एजबॅस्टन सारख्या खेळपट्टीवर 20 बळी घेणं सोपं नव्हतं. मला खूप छान वाटतंय. एक फलंदाज म्हणून अशा परिस्थितीत खेळायला मिळणं खूप महत्त्वाचं असतं. आमच्या संघात एक बदल आहे, जसप्रीत बुमराह आला आहे, प्रसिद्ध कृष्णाच्या जागी."
Just one change for India but it’s massive 👊
— ICC (@ICC) July 10, 2025
Jasprit Bumrah returns to the playing XI for the Lord’s Test 🔥 #WTC27 | 📝 #ENGvIND: https://t.co/0NCkPJdBEk pic.twitter.com/Qu01oKIpl4
लॉर्ड्सवर भारत-इंग्लंडचा रेकॉर्ड कसा आहे?
या प्रतिष्ठित स्टेडियम लॉर्ड्सवर भारत आणि इंग्लंड यांच्यात 19 सामने खेळले गेले आहेत, त्यापैकी भारतीय संघाने फक्त तीन वेळा विजय मिळवला आहे. त्याच वेळी, ब्रिटिश संघाने 12 वेळा विजय मिळवला आहे. या मैदानावर भारत आणि इंग्लंड यांच्यातील चार सामने अनिर्णित राहिले आहेत. भारताने या मैदानावर शेवटचा विजय 2021 मध्ये विराट कोहलीच्या नेतृत्वाखाली जिंकला होता.
भारतीय संघाची प्लेइंग-11 :
शुभमन गिल (कर्णधार), ऋषभ पंत (उपकर्णधार), यशस्वी जैस्वाल, केएल राहुल, करुण नायर, नितीश रेड्डी, रवींद्र जडेजा, वॉशिंग्टन सुंदर, जसप्रीत बुमराह, मोहम्मद सिराज, आकाश दीप.
इंग्लंड संघाची प्लेइंग-11 :
जॅक क्रॉली, बेन डकेट, ऑली पोप, जो रूट, हॅरी ब्रूक, बेन स्टोक्स (कर्णधार), जेमी स्मिथ (यष्टिरक्षक), ख्रिस वोक्स, ब्रायडन कार्स, जोफ्रा आर्चर आणि शोएब बशीर.
महत्त्वाच्या बातम्या
