एक्स्प्लोर

IND vs SA : पहिल्या कसोटी सामन्याआधी विराटसेनेचा कसून सराव, कर्णधार Virat Kohli ने शेअर केले फोटो

IND vs SA : भारतीय कसोटी संघ दक्षिण आफ्रिकेत पोहोचला असून कसोटी सामन्यांना 26 डिसेंबरपासून सुरुवात होणार आहे. दौऱ्यामध्ये 3 कसोटी सामने आणि 3 एकदिवसीय सामने खेळवले जाणार आहेत.

By : abp majha web team | Edited By: शशांक पाटील | Updated at : 19 Dec 2021 04:31 PM (IST)

Virat_Kohli

IND vs SA Test Series 2021 : भारत (IND) आणि दक्षिण आफ्रीका (SA) यांच्यात 26 डिसेंबरपासून कसोटी मालिकेच्या पहिल्या सामन्याची सुरुवात होणार आहे. दरम्यान पहिल्या सामन्यासाठी भारतीय संघ सेंचुरियन येथे पोहोचला आहे. पहिल्या सामन्याला अवघे काही दिवस शिल्लक राहिले आहेत. दरम्यान भारतीय संघाने सरावालाही सुरुवात केली असून शनिवारी मैदानात उतरत भारतीय संघाने कसून सराव केला. यावेळी कर्णधार विराट कोहलीने (Virat Kohli) सोशल मीडियाद्वारे संघातील काही खेळाडूंसोबतचा फोटो शेअर केला. या फोटोमध्ये विराट सोबत, उमेश यादव, मोहम्मद सिराज, इशांत शर्मा, आर. आश्विन आणि चेतेश्वर पुजारा हे दिसत आहेत. या फोटोला सोशल मीडिवार 29 लाखांहून अधिक लोकांनी लाईक केलं असून अनेक कमेंट्सही करण्यात आल्या आहेत.

भारतीय संघाला या दौऱ्यात इतिहास रचन्याची संधी आहे. कारण या दौऱ्यातील कसोटी मालिका भारत जिंकल्यास दक्षिण आफ्रिकेच्या भूमित भारत 29 वर्षांनंतर पहिल्यांदा कसोटी मालिका जिंकणार आहे. त्यामुळे ही मानाची आणि मोठी कसोटी मालिका जिंकण्यासाठी भारतीय क्रिकेट संघ सज्ज झाला आहे.

द. आफ्रिका दौऱ्यासाठी भारताचा कसोटी संघ

विराट कोहली (कर्णधार), केएल राहुल, मयांक अगरवाल, चेतेश्वर पुजारा, अजिंक्य रहाणे, श्रेयस अय्यर, प्रियांक पांचाल, हनुमा विहारी, ऋषभ पंत (विकेटकीपर), रिद्धिमान साहा (विकेटकीपर), आर अश्विन, जयंत यादव, इशांत शर्मा, मोहम्मद शमी, उमेश यादव, जसप्रीत बुमराह, शार्दुल ठाकूर, मोहम्मद सिराज.

स्टँड बाय प्लेअर - नवदीप सैनी, सौरभ कुमार, दीपक चहर, अर्जान नागव्सल्ला

असा असेल दौरा

भारताच्या दक्षिण आफ्रिका दौऱ्यामध्ये 3 कसोटी सामने आणि 3 एकदिवसीय सामने खेळवले जाणार आहेत. भारत तब्बल तीन वर्षानंतर दक्षिण आफ्रिकेचा दौरा करणार आहे. यापूर्वी, भारतानं 2018 मध्ये दक्षिण आफ्रिकेचा दौरा केला होता. तर नव्याने जाहीर केलेल्या वेळापत्रकानुसार नेमका दौरा कसा असेल यावर एक नजर फिरवूया...

कसोटी सामन्यांचे वेळापत्रक

पहिला कसोटी सामना - 26 डिसेंबर, 2021 ते 30 डिसेंबर, 2021 सुपरस्पोर्ट पार्क, सेन्चुरियन.
दुसरा कसोटी सामना - 3 जानेवारी,2022 ते 7 जानेवीर, 2022 न्यू वांडरर्स मैदान, जोहान्सबर्ग.
तिसरा कसोटी सामना - 11 जानेवारी, 2022 ते 15 जानेवारी, 2022 न्यू लँड्स, केपटाऊन

एकदिवसीय सामन्यांचे वेळापत्रक