Ind vs Eng 5th Test : शेवटच्या कसोटीत भारताचा विजय, तरीही BCCI कडून गौतम गंभीरच्या टीमवर होणार कारवाई? 'या' प्रश्नांनी घेरलं
England vs India 5th Test Update : भारतीय संघासाठी ओव्हल कसोटीत मिळालेला संस्मरणीय विजय हा एकप्रकारे या सिरीजमध्ये मिळालेल्या जखमांवर मलम ठरला आहे.
England vs India 5th Test Update : भारतीय संघासाठी ओव्हल कसोटीत मिळालेला संस्मरणीय विजय हा एकप्रकारे या सिरीजमध्ये मिळालेल्या जखमांवर मलम ठरला आहे. ओव्हल टेस्टमध्ये केवळ 6 धावांनी मिळालेला थरारक विजय आणि त्यातून 5 सामन्यांची मालिकाही 2-2 अशी बरोबरीत संपवली. बर्मिंगहमच्या एजबेस्टनमधील 336 धावांनी मिळालेल्या विजयापासून, ओल्ड ट्रॅफर्डमध्ये झालेल्या हाई-स्कोअरिंग ड्रॉ आणि ओव्हलमध्ये मोहम्मद सिराज व प्रसिद्ध कृष्णा यांच्या झंझावाताने मिळालेल्या विजयानं भारतीय संघाने अनेकदा 'करिश्माई' पुनरागमन केलं. शुभमन गिलच्या नेतृत्वात भारताने आत्मविश्वासाने भरलेली कामगिरी केली, पण या यशाच्या मागे काही प्रश्न आहेत, जे दुर्लक्षित करता येणार नाहीत.
2⃣-2⃣ 🏆
— BCCI (@BCCI) August 4, 2025
The first ever Anderson-Tendulkar Trophy ends in a draw 🤝#TeamIndia | #ENGvIND pic.twitter.com/9dY6LoFOjG
गौतम गंभीर यांनी गेल्या वर्षी जुलैमध्ये राहुल द्रविडच्या जागी भारताचे मुख्य प्रशिक्षकपद स्वीकारले. त्यांच्या मार्गदर्शनाखाली भारताने मर्यादित षटकांच्या क्रिकेटमध्ये उल्लेखनीय यश मिळवलं, चॅम्पियन्स ट्रॉफीचं जेतेपद, टी20 मालिकांमध्ये सातत्याने विजय. पण जेव्हा रेड-बॉल (कसोटी) क्रिकेटची गोष्ट येते, तेव्हा गंभीरच्या कार्यकाळात भारताने आपला सर्वात निराशाजनक काळ पाहिला. घरच्या मैदानावर न्यूझीलंडकडून 0-3, तर ऑस्ट्रेलियात 1-3 ने पराभव आणि 8 वर्षांत प्रथमच बॉर्डर-गावसकर ट्रॉफी भारताच्या हातून गेली.
बीसीसीआयचे कठोर निर्णय
ही अधोगती पाहता बीसीसीआयने काही कठोर निर्णय घेतले. वरिष्ठ खेळाडूंना देशांतर्गत क्रिकेट अनिवार्य केलं आणि दौऱ्यादरम्यान कुटुंबियांची उपस्थिती मर्यादित केली. या निर्णयांचा परिणाम म्हणून, रोहित शर्मा आणि विराट कोहली यांनी आधी टी20 आणि आता टेस्ट क्रिकेटमधूनही निवृत्ती घेतली. पण, यात गौतम गंभीर आणि त्यांच्या कोचिंग स्टाफवर फारसं कोणतंही कठोर पाऊल उचलले गेलं नाही. सहायक कोच अभिषेक नायर यांना फील्डिंग कोच टी दिलीपसह हटवलं गेलं, पण दिलीप नंतर पुन्हा संघात दाखल झाले. टेन डोशेट (सहायक कोच) आणि मॉर्न मोर्कल (गोलंदाजी कोच) अजूनही कायम आहेत, पण यांचीही पुनर्रचना होण्याची शक्यता आहे.
मॉर्केल आणि टेन डोईशेटलाही त्यांच्या पदावरून काढून टाकण्याचा विचार बीसीसीआय करत असल्याचे रिपोर्ट्स समोर आले आहेत. टेलिग्राफने दिलेल्या वृत्तानुसार बीसीसीआय या मालिकेनंतर आढावा घेणार आहे, तसेच सप्टेंबरमधील आशिया कप 2025 स्पर्धेनंतर मोठा निर्णय घेऊ शकतात. दरम्यान, सध्या तरी गंभीर मुख्य प्रशिक्षक म्हणून कायम असेल.
निवड धोरणावर प्रश्नचिन्ह
या संपूर्ण दौऱ्यात भारताच्या निवड धोरणावर सतत प्रश्न उपस्थित होत राहिले. सर्वात मोठं उदाहरण म्हणजे कुलदीप यादवला एकाही टेस्टमध्ये संधी न देणं, जरी अनेक माजी खेळाडूंनी त्याच्या बाजूने मत मांडलं होतं. दुसरीकडे, सुंदर व जडेजा यांना सातत्याने खेळवण्यात आलं. विशेषतः सुंदरला एजबेस्टन टेस्टमध्ये खेळवलं गेलं, पण ओव्हल टेस्टमध्ये दोघांनी मिळून केवळ 10 षटकं टाकली. म्हणजे त्यांना फक्त फलंदाज म्हणूनच घेतलं होतं का?
तसंच, मँचेस्टर टेस्टमध्ये अंशुल कम्बोजला डेब्यू करणेही वादग्रस्त ठरलं, जेव्हा भारत 1-2 ने पिछाडीवर होता. कम्बोजकडे क्षमताचं भांडार आहे, पण 669 धावांच्या इंग्लंडच्या डोंगरासमोर त्याचा प्रभाव फारसा जाणवला नाही. शार्दुल ठाकूरही पहिल्या व चौथ्या टेस्टमध्ये फारसं काही करू शकले नाहीत.
What the world witnessed today was pure Test cricket magic. The Oval delivered one of the most gripping contests in the history of the sport. Salute to both @BCCI (India) and @englandcricket for this masterpiece. pic.twitter.com/1VgkJY83Ee
— Jay Shah (@JayShah) August 4, 2025
गंभीरच्या काळात 13 कसोटी सामन्यांमध्ये 3 विजय
गंभीरने अनेकदा पत्रकार परिषदांमध्ये बचावात्मक आणि आक्रमक भूमिका घेतली. ओव्हलमधील शेवटच्या टेस्टपूर्वी पिच क्युरेटरबरोबर झालेली बाचाबाची यामुळे त्याच्या "नकारात्मक कोचिंग स्टाईल" चर्चेत आली. ओव्हलवरील विजयाने गौतम गंभीरला वेळ मिळाला असेल, पण आकडेवारी अजूनही निराशाजनक आहे. कसोटी प्रशिक्षक म्हणून 13 सामन्यांमधील हा त्याचा फक्त तिसरा विजय होता.
गौतम गंभीरची कोचिंग खुर्ची वाचली, पण रणनीतीबद्दल प्रश्न कायम
ओव्हलवरील विजयामुळे गौतम गंभीरची कोचिंग खुर्ची वाचली असेल, परंतु रेड-बॉल प्रशिक्षक म्हणून त्यांच्या विचारसरणी आणि रणनीतीबद्दल गंभीर प्रश्न कायम आहेत.
मोहम्मद सिराज सारख्या खेळाडूंना सातत्याने खेळवलं गेलं.
जसप्रीत बुमराह तीनपेक्षा जास्त टेस्ट खेळू शकत नाहीत.
कुलदीप यादव सारखे मॅचविनर बाहेर.
अभिमन्यु ईश्वरनला स्क्वॉडमध्ये घेतलं जातं पण डेब्यू नाही.
भारतीय क्रिकेटची महत्त्वाकांक्षा आता फक्त फॉलो-ऑन टाळणे आणि कसोटी मालिका बरोबरीत आणणे एवढीच मर्यादित आहे का? त्यामुळे ओव्हलवरील भारताच्या या विजयाच्या नावाखाली, आपण हे विसरू नये की व्यवस्थापनाने ही मालिका भारताच्या विजयात बदलू शकली असती.
हे ही वाचा -
महत्त्वाच्या बातम्या
