U-19 Asia Cup 2025 Ind vs Pak Final: आशिया चषकाच्या फायनलमध्ये आज भारत विरुद्ध पाकिस्तानचा महामुकाबला; वैभव सूर्यवंशीकडे सगळ्यांचं लक्ष
U-19 Asia Cup 2025 Ind vs Pak Final: 19 वर्षांखालील आशिया कप 2025 च्या स्पर्धेत आज भारत आणि पाकिस्तान यांच्यात अंतिम सामना रंगणार आहे.
U-19 Asia Cup 2025 Ind vs Pak Final: 19 वर्षांखालील आशिया कप 2025 च्या स्पर्धेत (U-19 Asia Cup 2025) आज भारत आणि पाकिस्तान (U-19 Asia Cup 2025 Ind vs Pak Final) यांच्यात अंतिम सामना रंगणार आहे. भारताने आयुष म्हात्रे यांच्या नेतृत्वाखाली उपांत्य फेरीत श्रीलंकेचा पराभव केला. तर बांगलादेशला हरवून पाकिस्तान अंतिम फेरीत पोहोचला.
भारतीय क्रिकेट संघाने आठ वेळा 19 वर्षांखालील आशिया कप जिंकला आहे. मागील आवृत्तीत (2024) देखील भारत अंतिम फेरीत पोहोचला होता. परंतु अंतिम फेरीत बांगलादेशकडून भारताला पराभव पत्करावा लागला. तर 2017 नंतर पाकिस्तानचा संघ पहिल्यांचा आशिया कपच्या अंतिम सामन्यात पोहोचला आहे. भारत आणि पाकिस्तानमध्ये शेवटचा 2014 च्या 19 वर्षांखालील आशिया कपच्या अंतिम फेरीत एकमेकांसमोर आले होते, ज्यामध्ये भारताने 40 धावांनी पाकिस्तानवर विजय मिळवला होता.
19 वर्षांखालील आशिया कप 2025 चा अंतिम सामना कधी आहे?
भारतीय 19 वर्षांखालील संघ आणि पाकिस्तान 19 वर्षांखालील संघ यांच्यातील अंतिम सामना रविवार, 21 डिसेंबर रोजी खेळला जाईल. हा सामना दुबईतील आयसीसी अकादमी मैदानावर होणार आहे. भारतीय वेळेनूसार सकाळी 10:30 वाजता सामना सुरू होईल. नाणेफेक सकाळी 10:00 वाजता होईल.
भारतीय अंडर-19 संपूर्ण संघ- (Team India U19 Squad)
आयुष म्हात्रे (कर्णधार), राहुल कुमार, वैभव सूर्यवंशी, वेदांत त्रिवेदी, विहान मल्होत्रा, युवराज गोहिल, आरोन जॉर्ज, बी.के. किशोर, जगनाथन, कनिष्क चौहान, खिलन पटेल, अभिगायन अभिषेक (यष्टीरक्षक), हरवंश पंगालिया (यष्टीरक्षक), आदित्य रावत, दीपेश देवेंद्रन, हेनिल पटेल, किशन कुमार सिंग, नमन पुष्पक, उद्धव मनीष मोहन.
पाकिस्तान अंडर-19 संपूर्ण संघ- (Pakistan U19 Squad)
हसन बलोच, फरहान युसूफ (कर्णधार), हुजैफा अहसान, समीर मिन्हास, उस्मान खान (विकेटकीपर), अब्दुल कादिर, अब्दुल सुभान, अहमद हुसेन, मोहम्मद हसन खान, उमर जैब, हमजा झहूर (विकेटकीपर), मोहम्मद शायन (विकेटकीपर), अली रझा, डॅनियल अली खान, हसनैन दार, इब्तिसम अझहर, मोहम्मद हुजैफा, मोहम्मद सय्यम, मोमिन कमर, निकब शफीक.
भारत विरुद्ध पाकिस्तानचा अंतिम सामना कुठे थेट पाहायचा? (U-19 Asia Cup 2025 Ind vs Pak Final)
अंडर-19 आशिया कप 2025 अंतिम सामना सोनी स्पोर्ट्स नेटवर्कवर थेट प्रक्षेपित केला जाईल. तुम्ही सोनी स्पोर्ट्स 1 वर टीव्हीवर थेट सामना पाहू शकता. मोबाईल आणि लॅपटॉपवर सोनी लिव्ह अॅप किंवा वेबसाइटवर थेट सामना पाहू शकतात.
भारत 10 व्यांदा अंतिम फेरीत- (U-19 Asia Cup 2025 Ind vs Pak Final)
19 वर्षांखालील आशिया कपची पहिली आवृत्ती 1989 मध्ये खेळवण्यात आली, जिथे भारताने श्रीलंकेला हरवून विजेतेपद जिंकले. दुसऱ्या आवृत्तीत भारताने श्रीलंकेलाही हरवले. 2012 मध्ये, भारत आणि पाकिस्तान यांच्यात प्रथमच अंतिम सामना झाला, ज्यामुळे सामना बरोबरीत सुटला, ज्यामुळे सामायिक ट्रॉफी मिळाली. 2014 मध्ये, आणखी एक भारत-पाकिस्तान अंतिम सामना झाला, जो टीम इंडियाने जिंकला. टीम इंडिया मागील आवृत्तीत (2024) देखील अंतिम फेरीत पोहोचली होती, परंतु अंतिम फेरीत बांगलादेशकडून पराभव पत्करावा लागला. पाकिस्तानने शेवटचा 2017 मध्ये अंतिम सामना जिंकला होता, परंतु अफगाणिस्तानने अंतिम सामना जिंकून जेतेपद पटकावले.
संबंधित बातमी:
महत्त्वाच्या बातम्या
