![ABP Premium](https://cdn.abplive.com/imagebank/Premium-ad-Icon.png)
Team India : वाईब है, वाईब है! टीम इंडियाचे क्रिकेटर्स दिसतायत मॉडेलपेक्षाही भारी, सूर्याने पोस्ट केला PHOTO
T20 World Cup 2022 : टी-20 विश्वचषक 2022 खेळण्यासाठी भारतीय संघ ऑस्ट्रेलियाला पोहचला असून सराव सामने खेळण्यासही सुरुवात केली आहे. खेळाडूही कसून सराव करताना दिसत आहेत.
![Team India : वाईब है, वाईब है! टीम इंडियाचे क्रिकेटर्स दिसतायत मॉडेलपेक्षाही भारी, सूर्याने पोस्ट केला PHOTO Team India players looks stylish Suryakumar yadav post photo with teammates Team India : वाईब है, वाईब है! टीम इंडियाचे क्रिकेटर्स दिसतायत मॉडेलपेक्षाही भारी, सूर्याने पोस्ट केला PHOTO](https://feeds.abplive.com/onecms/images/uploaded-images/2022/10/10/ad906cca480e4a30710c6c745b579f081665415657995323_original.jpg?impolicy=abp_cdn&imwidth=1200&height=675)
T20 World Cup 2022 : ऑस्ट्रेलियाच्या भूमीत 16 ऑक्टोबरपासून टी20 विश्वचषक 2022 (T20 World Cup 2022) स्पर्धा रंगणार आहे. या स्पर्धेसाठी भारतीय संघ ऑस्ट्रेलियात पोहोचला असून सराव करण्यासही सुरुवात केली आहे. भारताने वेस्टर्न ऑस्ट्रेलिय 11 संघाविरुद्ध सामना खेळत 13 धावांनी विजयही मिळवला. दरम्यान भारतीय खेळाडू सराव करत सराव सामने खेळत मजा-मस्तीही करताना दिसत आहेत. इंग्लंड विरुद्ध ऑस्ट्रेलिया सामना पाहण्यासाठी टीम इंडियाचे काही खेळाडू गेल्याचा फोटो व्हायरल झाला होता.
ज्यानंतर आता सूर्यकुमारने त्याच्या इन्स्टाग्रामवर एक फोटो पोस्ट केला आहे, ज्यात सूर्यकुमारसह कर्णधार रोहित, पंत, चहल आणि स्ट्रेंथ कोच सोहम देसाई दिसत आहे. विशेष म्हणजे या फोटोमध्ये खेळाडू अगदी स्टायलिश लूकमध्ये दिसत आहेत. स्टायलिश कपड्यांत मॉडेल्सप्रमाणे पोज सर्वांनी दिली आहे. तसंच सूर्याने 'वाईब चेक' असं कॅप्शनही दिलं आहे. त्यामुळे या फोटोंवर चाहतेही भरभरुन कमेंट्स करत आहेत.
पाहा फोटो-
View this post on Instagram
भारताचं सराव सामन्याचे वेळापत्रक
विश्वचषक खेळणारे बहुतेक संघ द्विपक्षीय मालिका खेळत आहेत. आगामी टी-20 विश्वचषकाला सुरुवात होण्यापूर्वी भारत काही सराव सामने खेळणार आहे. भारत 10 ऑक्टोबर आणि 13 ऑक्टोबर रोजी ऑस्ट्रेलिया इलेव्हनशी भिडणार आहे. त्यानंतर भारतीय संघ ब्रिसबेन येथे जातील, जिथे ऑस्ट्रेलिया आणि न्यूझीलंड यांच्याशी अनुक्रमे 17 ऑक्टोबर आणि 19 ऑक्टोबरला दोन अधिकृत सराव सामने खेळतील.
ऑस्ट्रेलियाच्या या प्रमुख शहरात रंगणार टी-20 विश्वचषक स्पर्धा
ऑस्ट्रेलियात होणाऱ्या आगामी आयसीसी टी-20 विश्वचषक 2022 मध्ये 16 ऑक्टोबरपासून 13 नोव्हेंबर पर्यंत एकूण 46 सामने खेळले जाणार आहेत. हे सर्व सामने ऑस्ट्रेलियाच्या सात शहरांमध्ये म्हणजेच अॅडलेड, ब्रिस्बेन, जिलॉन्ग, होबार्ट, मेलबर्न, पर्थ आणि सिडनी येथे खेळले जाणार आहे. उपांत्य फेरीचे सामने 9 आणि 10 नोव्हेंबर रोजी सिडनी क्रिकेट मैदान आणि अॅडलेड येथे खेळवले जातील. तर, अंतिम सामना 13 नोव्हेंबरला मेलबर्नमध्ये खेळला जाईल.
हे देखील वाचा-
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)