Sarfaraz Khan IND vs BAN 2nd Test : सरफराज खानवर अन्याय? न खेळता भारतीय संघातून वगळले, मोठे कारण आले समोर
IND vs BAN 2nd Test Kanpur : बांगलादेशविरुद्धच्या दोन सामन्यांच्या कसोटी मालिकेत भारतीय संघ 1-0 ने आघाडीवर आहे. चेन्नई येथे झालेल्या पहिल्या सामन्यात संघाने बांगलादेशवर 280 धावांनी एकतर्फी विजय मिळवला होता.
Sarfaraz Khan OUT of IND vs BAN 2nd Test at Kanpur : बांगलादेशविरुद्धच्या दोन सामन्यांच्या कसोटी मालिकेत भारतीय संघ 1-0 ने आघाडीवर आहे. चेन्नई येथे झालेल्या पहिल्या सामन्यात संघाने बांगलादेशवर 280 धावांनी एकतर्फी विजय मिळवला होता. बीसीसीआयने दुसऱ्या सामन्यासाठी 16 सदस्यीय संघाची घोषणा केला आहे. ज्यामध्ये सरफराज खानला संघात स्थान दिले आहे. पहिल्या सामन्यात सरफराजला संधी मिळाली नाही. त्याच्या जागी संघाने प्लेइंग इलेव्हनमध्ये केएल राहुलला संधी दिली. मात्र, चेन्नई कसोटीत राहुलची कामगिरी काही विशेष राहिली नाही. यानंतर राहुलच्या जागी सरफराजला संधी मिळण्याची अपेक्षा होती.
मात्र, आता संघ राहुलला दुसऱ्या सामन्यातही संधी देऊ शकतो, असे मानले जात आहे. टाइम्स ऑफ इंडियाच्या वृत्तानुसार, यामुळेच बीसीसीआय सरफराजला इराणी ट्रॉफीमध्ये खेळण्यासाठी सोडू शकते. असे झाल्यास सरफराज बांगलादेशविरुद्धच्या कसोटी मालिकेतून एकही सामना न खेळता बाहेर जाईल.
याबाबत मुख्य निवडकर्ता अजित आगरकर यांचेही मत आहे की, जर संघात कोणताही खेळाडू दुखापत नसेल तर सरफराजला ठेवण्याचा काही फायदा नाही. अशा परिस्थितीत त्याला इराणी ट्रॉफीसाठी सोडले जाईल. सरफराजला लखनौहून कानपूरला जाणे तितकेसे अवघड नसून काही गरज पडल्यास सरफराजही भारतीय संघात परतेल, असा दावाही सूत्रांनी केला आहे.
इराणी कप म्हणजे काय?
इराणी कप दरवर्षी रणजी ट्रॉफीचा सध्याचा चॅम्पियन आणि शेष भारत क्रिकेट टीम यांच्यात खेळला जातो. उर्वरित भारतामध्ये इतर संघातील सर्वोत्तम खेळाडूंचा समावेश आहे. या वेळी इराणी कप लखनऊच्या अटलबिहारी वाजपेयी एकना क्रिकेट स्टेडियमवर 1 ते 5 ऑक्टोबर दरम्यान खेळवला जाईल. या स्पर्धेसाठी सरफराज मुंबई संघात परतला तर ती संघासाठी मोठी उपलब्धी असेल.
कारण गेल्या काही वर्षांत त्याने देशांतर्गत क्रिकेटमध्ये खूप धावा केल्या आहेत. या 26 वर्षीय खेळाडूने आतापर्यंत 50 प्रथम श्रेणी सामन्यांमध्ये 66.39 च्या सरासरीने 14 शतके आणि 14 अर्धशतकांसह 4183 धावा केल्या आहेत. तो मधल्या फळीत फलंदाजी करण्याची शक्यता आहे, जिथे त्याला कर्णधार अजिंक्य रहाणे आणि श्रेयस अय्यर यांची साथ मिळेल.
हे ही वाचा -
महत्त्वाच्या बातम्या
ट्रेंडिंग न्यूज
