एक्स्प्लोर

India Next Cricket Schedule: आशिया चषक जिंकला, आता रोहित अन् विराट भारतीय संघात परतणार; पाहा टीम इंडियाचे संपूर्ण वेळापत्रक

India Next Cricket Schedule: आशिया चषक 2025 ची स्पर्धा संपली आहे. आता क्रिकेटप्रेमींचं रोहित शर्मा आणि विराट कोहली पुन्हा भारतीय संघाच्या जर्सीत कधी जिंकणार, याकडे सर्वांचं लक्ष लागलं आहे.

By : मुकेश चव्हाण | Updated at : 30 Sep 2025 09:12 AM (IST)

India Next Cricket Schedule

Source : ABP

India Next Cricket Schedule: आशिया चषक 2025 ची स्पर्धा (Asia Cup 2025) संपली आहे. भारताने आशिया चषकात पाकिस्तानला (Ind vs Pak Final 2025) पराभव करत आशिया चषकावर नवव्यांदा नाव कोरले. जवळपास 20 दिवस आशिया चषकाची स्पर्धा रंगली होती. आता क्रिकेटप्रेमींचं रोहित शर्मा (Rohit Sharma) आणि विराट कोहली (Virat Kohli) पुन्हा भारतीय संघाच्या जर्सीत कधी जिंकणार, याकडे सर्वांचं लक्ष लागलं आहे. रोहित शर्मा आणि विराट कोहली ऑस्ट्रेलियाविरुद्धच्या एकदिवसीय मालिकेत खेळताना दिसतील.

आशिया चषकानंतर आता टीम इंडिया वेस्ट इंडिजविरुद्ध (Ind vs West Indies) पहिले कसोटी मालिका खेळेल. या घरच्या कसोटी मालिकेत फक्त दोन सामने असतील. भारत विरुद्ध वेस्ट इंडिज पहिला कसोटी सामना 2 ऑक्टोबरपासून नरेंद्र मोदी क्रिकेट स्टेडियमवर खेळला जाईल. शुभमन गिलच्या नेतृत्वाखाली टीम इंडियाचा संघ जाहीर करण्यात आला आहे.

भारतविरुद्ध वेस्ट इंडिज कसोटी मालिका 2025- (Ind vs West Indies Schedule)

पहिली कसोटी - 2-6 ऑक्टोबर (नरेंद्र मोदी क्रिकेट स्टेडियम, अहमदाबाद)
दुसरी कसोटी - 10-14 ऑक्टोबर (अरुण जेटली स्टेडियम, दिल्ली)

विराट कोहली आणि रोहित शर्मा यांनी टी-20 आणि कसोटी क्रिकेटमधून निवृत्ती घेतली आहे. त्यामुळे दोन्ही दिग्गज आता फक्त एकदिवसीय क्रिकेट खेळतात. टीम इंडिया ऑक्टोबरमध्ये ऑस्ट्रेलियाला रवाना होईल, जिथे प्रथम तीन सामन्यांची एकदिवसीय मालिका खेळली जाईल. पहिला एकदिवसीय सामना 19 ऑक्टोबर रोजी ऑप्टस स्टेडियमवर खेळला जाईल, जो विराट आणि रोहितच्या पुनरागमनाची संभाव्य तारीख आहे.

भारताचा ऑस्ट्रेलिया दौऱ्याचे वेळापत्रक- (Ind vs Aus Schedule)

पहिला एकदिवसीय सामना: 19 ऑक्टोबर (ऑप्टस स्टेडियम)
दुसरा एकदिवसीय सामना: 23 ऑक्टोबर (अ‍ॅडलेड ओव्हल)
तिसरा एकदिवसीय सामना: 25 ऑक्टोबर (एससी ग्राउंड)
पहिला टी-20: 29 ऑक्टोबर (मनुका ओव्हल)
दुसरा टी-20: 31 ऑक्टोबर (एमसीजी)
तिसरा टी-20: 2 नोव्हेंबर (बेलेरिव्ह ओव्हल)
चौथा टी-20: 6 नोव्हेंबर (हेरिटेज बँक स्टेडियम)
पाचवा टी-20: 8 नोव्हेंबर (गब्बा स्टेडियम)

ऑस्ट्रेलिया दौऱ्यानंतर, टीम इंडिया मायदेशी परतेल, जिथे दक्षिण आफ्रिकेविरुद्ध घरच्या मैदानावर 14 नोव्हेंबरपासून कसोटी मालिका सुरू होईल. त्यानंतर दोन्ही संघांमध्ये एकदिवसीय आणि टी२० मालिका होईल.