Rachin Ravindra Century NZ vs BAN : बॉल लागून डोकं फुटलं, रक्तबंबाळ झाला... पण मैदानात कमबॅक करताच ठोकलं तुफानी शतक, मोडला वर्ल्ड रेकॉर्ड

ICC Champions Trophy 2025 : रचिन रवींद्रने पुन्हा एकदा आपल्या टॅलेंटची प्रतिभा दाखवली.

Rachin Ravindra Century NZ vs BAN

Source : ABP

Rachin Ravindra Century NZ vs BAN : रचिन रवींद्रने पुन्हा एकदा आपल्या टॅलेंटची प्रतिभा दाखवली. न्यूझीलंडच्या स्टार फलंदाजाने चॅम्पियन्स ट्रॉफीमध्ये पदार्पणातच शानदार शतक झळकावले. रचिनने बांगलादेशविरुद्ध एक अद्भुत शतक झळकावले आणि हे त्याच्या एकदिवसीय कारकिर्दीतील चौथे शतक आहे. रचिनचे हे शतक खास आहे, कारण अलीकडेच त्याचे डोके फुटले होते ज्यामुळे त्याला दुखापत झाली होती. पाकिस्तानविरुद्ध कॅच घेताना चेंडू त्याच्या तोंडावर लागला आणि त्यानंतर त्याला मोठ्या प्रमाणात रक्तस्त्राव होऊ लागले. रचिनला त्याच्या चेहऱ्यावर टाकेही घालावे लागले, पण सुदैवाने त्याचा डोळा वाचला. त्या दुखापतीनंतर रचिनचा हा पहिलाच सामना होता आणि या खेळाडूने येताच शतक झळकावले.

Another ICC ODI event, another century for Rachin Ravindra! At the age of just 25 he has now scored more centuries at ICC ODI events (4) than any other New Zealand men’s player ✍️ #ChampionsTrophy #CricketNation pic.twitter.com/Mm1BuJeUfT

— BLACKCAPS (@BLACKCAPS) February 24, 2025

रचिन रवींद्रच्या शतकाची सर्वात मोठी गोष्ट म्हणजे या खेळाडूने त्याच्या एकदिवसीय कारकिर्दीतील चारही शतके फक्त आयसीसी स्पर्धांमध्येच ठोकली आहेत. गेल्या वर्षीच्या एकदिवसीय वर्ल्ड कपमध्ये रचिनने 3 शतके झळकावली होती आणि आता त्याने आयसीसी चॅम्पियन्स ट्रॉफीमध्येही शतक झळकावले आहे. रचिन रवींद्रने आयसीसी स्पर्धेत फक्त 11 डावात 4 शतके ठोकली आहेत, जो न्यूझीलंडसाठी एक विक्रम आहे.

Rachin Ravindra slams a brilliant century on his return to international cricket 🤩#BANvNZ #ChampionsTrophy pic.twitter.com/S24U4l1W50

— ICC (@ICC) February 24, 2025

रचिनने आयसीसी स्पर्धांमध्ये 3 शतके करणाऱ्या केन विल्यमसनला मागे टाकले. रचिन रवींद्र आयसीसी चॅम्पियन्स ट्रॉफीमध्ये शतक झळकावणारा सर्वात तरुण किवी खेळाडूही बनला आहे. रचिन रवींद्र ही वर्ल्ड कप पदार्पणात आणि चॅम्पियन्स ट्रॉफी पदार्पणात शतक करणारा जगातील पहिली खेळाडू आहे.

रचिन रवींद्रचा आणखी एक अद्भुत पराक्रम

रचिन रवींद्रच्या शतकी खेळीदरम्यान, त्याने एकदिवसीय क्रिकेटमध्ये 1000 धावाही पूर्ण केल्या. तो न्यूझीलंडकडून एकदिवसीय सामन्यात सर्वात वेगवान 1000 धावा करणारा पाचवा खेळाडू आहे. डेव्हॉन कॉनवेने न्यूझीलंडसाठी सर्वात वेगवान 1000 एकदिवसीय धावा केल्या आहेत, त्याने 22 डावांमध्ये हा विक्रम केला आहे. रचिनला ही कामगिरी करण्यासाठी 26 डाव लागले.

हे ही वाचा -