VIDEO : नवविवाहित अक्षर पटेलही पत्नीसह महाकाल देवाच्या दर्शनाला, विधीवत पूजा करतानाचा व्हिडीओ आला समोर
Axar Patel Meha Patel : टीम इंडियाचा स्टार ऑलराऊंडर अक्षर पटेल काही दिवसांपूर्वीच मेहा पटेलसोबत लग्नबंधनात अडकला. ज्यानंतर आता त्याने पत्नीसोबत देवदर्शनाला पोहोचला आहे.
Axar Patel : भारतीय संघाचा सलामीवीर केएल राहुलनंतर (KL Rahul) आता अष्टपैलू खेळाडू अक्षर पटेलही (Axar Patel) उज्जैनच्या महाकाल मंदिरात दर्शनासाठी पोहोचला आहे. अक्षर आपल्या पत्नीसह महाकालच्या दरबारात पोहोचला असून तिथे त्याने भस्म आरतीमध्येही भाग घेतला. अक्षर हा काही दिवसांपूर्वीच त्याची प्रेयसी मेहा पटेलसोबत लग्नबंधनात अडकला. ज्यानंतर आता तो देवदर्शन करताना दिसला आहे. दरम्यान आता अक्षर पटेल महाकालच्या दरबारात पूजा करतानाचा फोटो आणि व्हिडिओ सोशल मीडियावर मोठ्या प्रमाणात व्हायरल होत आहे.
अक्षर पटेलने यावेळी सांगितले की, तो 5 वर्षांपूर्वी भगवान महाकालचा आशीर्वाद घेण्यासाठी उज्जैनला पोहोचला होता, पण भस्म आरती पाहू शकला नाही. तेव्हापासून त्याला भस्म आरती पाहण्याची इच्छा होती. आज त्याची ही इच्छा पूर्ण झाली आहे. अक्षर आणि त्याची पत्नी मेहा या भस्म आरतीत सहभागी झाल्यानंतर खूप आनंदी आणि समाधानी दिसत होते.
पाहा VIDEO-
Ujjain Indian cricketer Axar Patel along with wife Meha participated in Bhasma Aarti at Mahakal temple.@akshar2026 #aksharpatel #axarpatel #mahakal #अक्षरपटेल #महाकालेश्वर pic.twitter.com/OtFDDfIUtB
— Priyathosh Agnihamsa (@priyathosh6447) February 27, 2023
केएल राहुलनेही भगवान महाकालचे आशीर्वाद घेतले
अक्षरआधी रविवारी क्रिकेटर केएल राहुल पत्नी अथिया शेट्टीसोबत भगवान महाकाल देवाचे आशीर्वाद घेण्यासाठी पोहोचला होता. भस्म आरतीमध्येही ते सहभागी झाले होते. यानंतर गर्भगृहात जलाभिषेक करून त्यांनी पूजा केली. नुकतच केएल राहुलचंही लग्न झालं आहे. ज्यानंतर लगेचच सोमवारी क्रिकेटर अक्षर पटेलही पत्नी मेहा पटेलसोबत भगवान महाकाल देवाचे आशीर्वाद घेण्यासाठी पोहोचला. त्यांनीही भस्म आरतीनंतर गर्भगृहात पूजनही केलं.
तिसरा कसोटी सामना इंदूरमध्ये होणार
टीम इंडिया सध्या ऑस्ट्रेलियाविरुद्ध चार सामन्यांची कसोटी मालिका खेळत आहे. या मालिकेत भारतीय संघाने पहिले 2 सामने जिंकून 2-0 अशी आघाडी घेतली आहे. दुसरीकडे, भारतीय संघाने तिसरा सामना जिंकला तर पुन्हा एकदा टीम इंडिया बॉर्डर-गावस्कर ट्रॉफी जिंकेल. नागपुरात खेळल्या गेलेल्या पहिल्या कसोटीत संघाने एक डाव आणि 132 धावांनी आणि दिल्लीत खेळल्या गेलेल्या दुसऱ्या कसोटीत 6 गडी राखून विजय मिळवला. आता तिसरा कसोटी सामना इंदूरमध्ये 1 मार्चपासून सुरु होत आहे.
हे देखील वाचा-
महत्त्वाच्या बातम्या
ट्रेंडिंग न्यूज
