Mohit Sharma Retirement : दुसऱ्या वनडेदरम्यान टीम इंडियाच्या खेळाडूची सनसनाटी घोषणा! क्रिकेटमधून अचानक घेतली निवृत्ती, IPL पण नाही खेळणार
Mohit Sharma Retirement Marathi News : भारत आणि दक्षिण आफ्रिका यांच्यातील 3 सामन्यांच्या वनडे मालिकेतील दुसरा सामना रायपूरमध्ये सुरू आहे.
Mohit Sharma Announces Retirement From All Formats Of Cricket : भारत आणि दक्षिण आफ्रिका यांच्यातील 3 सामन्यांच्या वनडे मालिकेतील दुसरा सामना रायपूरमध्ये सुरू आहे. दरम्यान, टीम इंडियाच्या अनुभवी वेगवान गोलंदाज मोहित शर्मा याने सर्व प्रकारच्या क्रिकेटमधून निवृत्तीची घोषणा केली आहे. मोहितने शेवटचा आंतरराष्ट्रीय सामना 2015 मध्ये खेळला होता. त्यानंतर तो आयपीएलमध्ये सातत्याने दिसत होता, परंतु आता तो आयपीएलमध्येही दिसणार नाही. आयपीएल 2026 ऑक्शनपूर्वी दिल्ली कॅपिटल्सने त्याला रिलीज केले होते.
मोहित शर्माकडून निवृत्तीची घोषणा (India cricketer Mohit Sharma retires from all formats)
मोहित शर्मा याने सोशल मीडिया प्लॅटफॉर्म इन्स्टाग्रामवर एक मोठी पोस्ट शेअर करत निवृत्तीची माहिती दिली. त्याने लिहिले की, "आज मी पूर्ण मनाने क्रिकेटच्या सर्व फॉर्मेट्समधून संन्यास जाहीर करतो. हरियाणाच्या संघातून माझा प्रवास सुरू झाला. त्यानंतर भारतीय संघाची जर्सी घालण्याचा मान मिळाला आणि मग आयपीएलमध्येही खेळण्याची संधी मिळाली."
🚨 MOHIT SHARMA ANNOUNCED HIS RETIREMENT FROM ALL FORMS OF CRICKET 🚨 pic.twitter.com/0sjeTOCwwP
— Johns. (@CricCrazyJohns) December 3, 2025
मोहित पुढे म्हणाले की, "हा संपूर्ण प्रवास माझ्यासाठी स्वप्नापेक्षा कमी नव्हता. हरियाणा क्रिकेट असोसिएशनचे मनापासून आभार. अनिरुद्ध सरांचे विशेष आभार, ज्यांच्या मार्गदर्शनामुळे माझ्या आयुष्याला दिशा मिळाली. बीसीसीआय, माझे सर्व कोच, सहकाऱ्यांना, आयपीएल टीम्सना आणि मित्रांना त्यांच्या प्रेम आणि पाठिंब्यासाठी धन्यवाद. माझ्या पत्नीचेही खास आभार, ज्या नेहमी माझ्या स्वभाव आणि रागाला समजून घेत राहिल्या आणि प्रत्येक परिस्थितीत माझ्या सोबत उभ्या राहिल्या. आता मी क्रिकेटची सेवा नव्या पद्धतीने करण्यास उत्सुक आहे."
View this post on Instagram
मोहित शर्माची कारकीर्द
मोहित शर्माने भारतासाठी 26 एकदिवसीय सामने खेळले आहेत, ज्यामध्ये त्याने 32.9 च्या सरासरीने 31 बळी घेतले आहेत. त्याची सर्वोत्तम एकदिवसीय कामगिरी 22 धावांत 4 बळी ही आहे. त्याने 8 टी-20 आंतरराष्ट्रीय सामन्यांमध्ये 30.83 च्या सरासरीने 6 बळी घेतले आहेत. मोहित शर्माच्या आयपीएल कारकिर्दीत तो चार संघांकडून खेळला आहे. चेन्नई सुपर किंग्ज, गुजरात टायटन्स, पंजाब किंग्ज आणि दिल्ली कॅपिटल्स. त्याने 120 आयपीएल सामने खेळले आहेत आणि 26.22 च्या सरासरीने 134 बळी घेतले आहेत.
हे ही वाचा -
महत्त्वाच्या बातम्या
