Mohammad Rizwan-Harshit Rana : मोहम्मद रिझवान-हर्षित राणा मैदानात भिडले, खांद्याला खांदा धडकला अन्... गौतम गंभीरचा लाडका रागाने लाल, पाहा Video
भारत आणि पाकिस्तानमधील क्रिकेट सामने नेहमीच ब्लॉकबस्टर ठरले आहेत.
Mohammad Rizwan Harshit Rana IND vs PAK Champions Trophy 2025 : भारत आणि पाकिस्तानमधील क्रिकेट सामने नेहमीच ब्लॉकबस्टर ठरले आहेत. चॅम्पियन्स ट्रॉफीमध्ये हे दोन्ही संघ दुबईत एकमेकांशी भिडत आहेत. हा सामना अशा ठिकाणी खेळला जात आहे जो दोन्ही संघांसाठी तटस्थ आहे, परंतु तरीही स्टेडियम हाऊसफुल्ल आहे. हा सामना पाहण्यासाठी अनेक सेलिब्रिटी येत आहेत आणि यावेळीही त्यांची संख्या मोठ्या संख्येने दिसून येत आहे. दरम्यान या सामन्यात गरमागरमी पाहिला मिळत आहे. खरंतर सामन्यात कर्णधार मोहम्मद रिझवान भारतीय गोलंदाज हर्षित राणाशी भिडला.
Harshit rana and Mohammad Rizwan shoulder to shoulder…. its heating in dubai🥵🥵#INDvsPAK #ChampionsTrophy pic.twitter.com/N9kucdOJwF
— Rahul Karki (@Rahulkarki417) February 23, 2025
गौतम गंभीरचा लाडका रागाने लाल
भारतीय संघाकडून हर्षित राणाने 21 वे षटक टाकले. या षटकाच्या शेवटच्या चेंडूवर मोहम्मद रिझवानने एक सरळ स्ट्रोक खेळला आणि नंतर धाव घेताना त्याने भारतीय गोलंदाजाला जोरात धक्का दिला. यामुळे दोन्ही खेळाडूंचा खांद्याला खांदा धडकला. त्यानंतर हर्षितने हातवर केला आणि रिजवानला रागाने काहीतरी म्हटले. यानंतर लगेचच, कॅमेरा मुख्य प्रशिक्षक गौतम गंभीरवर गेला. आता त्याचा व्हिडिओ सोशल मीडियावर व्हायरल होत आहे.
Kalesh b/w Harshit Rana and Rizwan: pic.twitter.com/DEs1wkiIyp
— Ghar Ke Kalesh (@gharkekalesh) February 23, 2025
पाकिस्तानने जिंकली नाणेफेक
या ब्लॉकबस्टर सामन्यात पाकिस्तानने नाणेफेक जिंकून प्रथम फलंदाजी केली आणि वृत्त लिहिपर्यंत, 30 षटकांत तीन गडी गमावून 154 धावा केल्या होत्या. सौद शकील 58 धावा काढून खेळत आहे आणि सलमान आगा 2 धावा काढून खेळत आहे. त्याआधी, पाकिस्तानचे स्टार फलंदाज बाबर आझम (23) आणि इमाम-उल-हक (10) आणि कर्णधार मोहम्मद रिझवान (77 चेंडूत 46) पॅव्हेलियनमध्ये परतले.
Harshit rana and Mohammad Rizwan shoulder to shoulder…. its heating in dubai🥵🥵#INDvsPAK #ChampionsTrophy pic.twitter.com/N9kucdOJwF
— Rahul Karki (@Rahulkarki417) February 23, 2025
रोहित आणि शमी उष्णतेमुळे मैदानाबाहेर
वेगवान गोलंदाज मोहम्मद शमी सुमारे 20 मिनिटे मैदानाबाहेर राहिल्याने भारतीय संघाला अडचणीचा सामना करावा लागला. पण, तो लवकरच मैदानात परतला आणि गोलंदाजी केली. दुबईच्या उन्हात कर्णधार रोहित शर्मालाही अस्वस्थ वाटत होता आणि त्याला मैदान सोडावे लागले. त्याच्या जागी शुभमन गिलने कमांड घेतली.
हे ही वाचा -
महत्त्वाच्या बातम्या
