Virat Kohli’s New Phone : विराटचा हरवलेला फोन कुलदीप यादवला दिसला? दिनेश कार्तिकनं घेतला म्हणतोय...नेमकं चाललंय काय?
Virat Kohli News : विराट कोहलीचा नवाकोरा फोन हरवल्याची बातमी त्याने स्वत: ट्वीट शेअर करत दिली ज्यानंतर आता या प्रकरणात कुलदीप यादवनंही उडी घेतली आहे.
Kuldeep Yadav on Virat Kohli Lost Phone : भारतीय संघाचा (Team India) स्टार क्रिकेटर विराट कोहली (Virat Kohli) याचा नवा-कोरा फोन हरवल्याचं ट्वीट त्याने स्वत:च केलं. ज्यानंतर सोशल मीडियावर अक्षरश: रिप्लायचा पाऊस पडू लागला. हे ट्वीट तुफान व्हायरल झालं. पण आता क्रिकेटर कुलदीप यादवनं देखील यासंबधी ट्वीट करत मला एक असाच बॉक्स आपल्या हॉटेलमध्ये दिसला पण दिनेश कार्तिकनं तो माझ्याकडून घेतला असल्याचं म्हटलं आहे. दरम्यान या सर्व ट्वीट्सवरुन आता हा एक स्टंट किंवा कोणत्यातरी नव्याने मार्केटमध्ये येणाऱ्या फोनच्या जाहिरातीशी संबधित ट्वीट असेल असं दिसून येत आहे.
सर्वात आधी विराट कोहली यानं आपला नवा-कोरा फोन हरवल्याचं सांगितलं. त्यानं ट्वीटमध्ये लिहिलं की, 'तुमचा नवा फोन बॉक्समधून काढण्यापूर्वीच हरवणं, याहून वाईट काहीच नसेल, कोणी माझा फोन पाहिला का?' ज्यानंतर य़ा ट्वीटवर अनेकांनी रिप्लाय दिले आहेत. पण कुलदीपनं आता एका बॉक्सचा फोटो पोस्ट करत लिहिलं आहे की,'हा बॉक्स? विराट भावा, मला हा आपल्या हॉटेलच्या पूलजवळ सापडला. पण, दिनेश कार्तिकनं माझ्याकडून घेतला. तुम्ही त्याला विचारलत का?'
कुलदीपचं ट्वीट
.@imVkohli Oh! Yeh box? Bhai I found it next to our hotel pool. What a stunning design! But, @DineshKarthik took it from me. Aapne pucha usse? https://t.co/wB1xUSn9UL pic.twitter.com/1Np3xdwNYJ
— Kuldeep yadav (@imkuldeep18) February 8, 2023
विराटचं ट्वीट-
Nothing beats the sad feeling of losing your new phone without even unboxing it ☹️ Has anyone seen it?
— Virat Kohli (@imVkohli) February 7, 2023
दरम्यान विराटच्या या ट्विटवर येणाऱ्या रिप्लायमध्ये झोमॅटोने लिहिलं आहे की, 'तुम्ही हवंतर आमच्याकडून आईस्क्रीम मागवू शकता, वहिनींचा (Anushka Sharma) फोन यासाठी तुमची मदत करु शकतो. झोमॅटोच्या रिप्लायवर इतरही नेटकऱ्यांनी भन्नाट रिप्लाय दिले आहेत. तर टाटा निओने रिप्लायमध्ये लिहिलं आहे की, जे होणार असेल त्याला आपण काही करु शकत नाही, पण आम्हाला कोणता फोन होता ते थेट मेसेज करुन सांगा आमच्याकडे तुमच्यासाठी सरप्राईज आहे. तर नथिंग या नव्याने मार्केटमध्ये आलेल्या मोबाईल कंपनीनेही विराटला फोन देऊ केला आहे.
हे देखील वाचा-
महत्त्वाच्या बातम्या
