IND vs AUS, 3rd ODI, Pitch Report : चेन्नईच्या मैदानात रंगणार निर्णायक एकदिवसीय सामना, कशी असेल मैदानाची स्थिती? जाणून घ्या पिच रिपोर्ट

IND vs AUS : भारत आणि ऑस्ट्रेलिया यांच्याच सुरु एकदिवसीय मालिकेतील तिसरा आणि निर्णायक सामना आज चेन्नईच्या चेपॉक क्रिकेट स्टेडियमवर खेळवला जाणार आहे.

प्रातिनिधीक फोटो

IND vs AUS, ODI Series : भारत विरुद्ध ऑस्ट्रेलिया (India vs Australia) यांच्यातील कसोटी मालिकेनंतर आता एकदिवसीय मालिकाही संपत आली असून आज (21 मार्च) तीन सामन्यांच्या मालिकेतील तिसरा आणि निर्णायक सामना खेळवला जाणार आहे. निर्णायक यासाठी कारण तीन सामन्यांच्या या मालिकेतील पहिला सामना भारताने जिंकला असून दुसरा सामना ऑस्ट्रेलियाने जिंकला. ज्यामुळे आजचा सामना निर्णायक आहे. सामना जिंकणारा संघ मालिका जिंकेल. त्यामुळे मालिकाविजयासाठी अत्यंत महत्त्वाच्या असणाऱ्या या सामन्यापूर्वी या सामन्यात मैदानाची खेळपट्टी (Pitch Report) कशी आहे अर्थात पिच रिपोर्ट जाणून घेऊ... 

तर आजचा हा निर्णायक सामना चेन्नईच्या चेपॉक क्रिकेट (Chennai Cricket stadium) स्टेडियमवर खेळवला जाणार आहे. एमए चिदंबरम (MA Chindabaram) असं नाव असणाऱ्या या स्टेडियमची खेळपट्टी (Pitcj Report) जी एकेकाळी वेगवान गोलंदाजांना अनुकूल होती, ती आता संथ आणि फिरकीपटूंना मदत करण्यासाठी अधिक प्रसिद्ध आहे. आतापर्यंत खेळल्या गेलेल्या 22 एकदिवसीय सामन्यांमध्ये दोन्ही डावातील सरासरी धावसंख्या 250 पेक्षा जास्त झालेली नाही. परंतु, सध्या असणाऱ्या हवामानाच्या अंदाजानुसार, वेगवान गोलंदाजांना खेळाच्या सुरुवातीला थोडी मदत मिळू शकते.

कधी, कुठे पाहाल सामना?

भारत आणि ऑस्ट्रेलिया (IND vs AUS) हा तिसरा एकदिवसीय सामना (IND vs AUS 3rd) भारतीय वेळेनुसार दुपारी 1.30 वाजता सुरु होईल. सामन्याच्या अर्धा तास आधी म्हणजेच 1 वाजता टॉस होईल. भारत आणि ऑस्ट्रेलिया यांच्यातील एकदिवसीय सामन्याचं थेट प्रक्षेपण स्टार स्पोर्ट्स 1 या चॅनेलवर दुपारी 1.00 वाजता सुरु होईल.  तसंच या सामन्याचं ऑनलाईन लाईव्ह स्ट्रीमिंग हॉटस्टार या अॅप आणि वेबसाइटवरुन पाहता येईल.

कसे आहेत दोन्ही संघ?

भारताचा एकदिवसीय संघ : रोहित शर्मा (कर्णधार), युझवेंद्र चहल, इशान किशन, श्रेयस अय्यर, रवींद्र जडेजा, विराट कोहली, कुलदीप यादव, मोहम्मद शमी, मोहम्मद सिराज, हार्दिक पंड्या, अक्षर पटेल, केएल राहुल, शुभमन गिल, शार्दुल ठाकूर, उमरान मलिक, जयदेव उनाडकट, वॉशिंग्टन सुंदर, सूर्यकुमार यादव.

ऑस्ट्रेलिया एकदिवसीय संघ : स्टीव्ह स्मिथ (कर्णधार), अॅलेक्स कॅरी (विकेटकीपर), शॉन अॅबॉट, अॅश्टन आगर, नॅथन एलिस, कॅमेरॉन ग्रीन, ट्रॅव्हिस हेड, जोश इंग्लिस, मार्नस लॅबुशेन, मिचेल मार्श, ग्लेन मॅक्सवेल, मिचेल स्टार्क, मार्कस स्टॉइनिस, डेव्हिड वॉर्नर, अॅडम झाम्पा

हे देखील वाचा-