केएल राहुल लंडनमध्ये, धर्मशाला कसोटीत खेळण्यावर प्रश्नचिन्ह!

Kl Rahul Injury Update : धर्मशाला कसोटी (Dharamshala Test) सामन्यात केएल राहुल (KL Rahul) खेळण्याची शक्यता कमीच आहे. कारण केएल राहुल उपचारासाठी (KL Rahul Injury) लंडनला रवाना झाला आहे.

KL Rahul ( Image Source :PTI )

Kl Rahul Injury Update : धर्मशाला कसोटी (Dharamshala Test) सामन्यात केएल राहुल (KL Rahul) खेळण्याची शक्यता कमीच आहे. कारण केएल राहुल उपचारासाठी (KL Rahul Injury) लंडनला रवाना झाला आहे. चौथ्या सामन्यापूर्वी  (India vs England) बीसीसीआयनं केएल राहुल 90 टक्के तंदुरुस्त (KL Rahul Injury) असल्याचं सांगितलं होतं. पण आता तो उपचारासाठी लंडनला रवाना झाल्यामुळे पुन्हा एकदा चर्चेला ऊत आला आहे. त्यातच अखेरच्या कसोटी सामन्यात  (India vs England) बीसीसीआय काही सिनिअयर खेळाडूंना आराम देण्याचा विचार करत आहे.  अखेरच्या कसोटी सामन्यात केएल राहुलच्या खेळण्यावर प्रश्नचिन्ह आहे. धर्मशाला कसोटी सामना सात मार्चपासून सुरु होणार आहे. त्याआधी केएल राहुल संघासोबत जोडला जाणार का? याबाबत चर्चा सुरु झाली आहे. त्याच्या आयपीएलमध्ये खेळण्यावरही सध्या प्रश्नचिन्ह आहे.  

क्रिकबज संकेतस्थळानुसार, राजकोट कसोटी सामन्यापूर्वी केएल राहुल 90 टक्के तंदुरुस्त असल्याचं सांगण्यात आलं होतं. पण राहुल पूर्णपणे तंदुरुस्त नाही. अशा स्थितीमध्ये बीसीसीआय आणि एनसीए याचं पुनर्मूल्यांकन करणार आहे. केएल राहुल याला लंडना तज्ज्ञांचा सल्ला घेण्यासाठी पाठवण्यात आले आहे. जवळपास एक आठवड्यापासून केएल राहुल लंडनमध्ये उपचार घेत आहे.  केएल राहुल यानं लंडनमध्ये तज्ज्ञांचा सल्ला घेतला की नाही, याबाबत संकेतस्थळानं माहिती दिलेली नाही. 

🚨KL Rahul's availability for the final Test in Dharamsala is in doubt

🚨Jasprit Bumrah is likely to return to the squad for the final Test although discussions are still on regarding workload management of players pic.twitter.com/1s0ruI9zLR

— Goldsbet (@Goldsbetvip) February 28, 2024

बीसीसीआय कोणताही धोका घेणार नाही -

केएल राहुलच्या उजव्या मांडीला दुखापत झाली होती, त्यामुळे गेल्यावर्षी त्याच्यावर सर्जरी कऱण्यात (KL Rahul Injury) आली होती. याच दुखापतीमधून केएल राहुल अद्याप पूर्णपणे सावरलेला नाही. मांडीची दुखापत त्याला अद्याप सतावत आहे. भारतीय संघामध्ये केएल राहुल महत्वाचा भाग आहे. तो विकिटपिकपिंगही करतो. त्यामुळे टीम इंडिया संतुलित होतो. त्याशिवाय फलंदाजीतील त्याचा अनुभवही महत्वाचा आहे. त्यामुळे बीसीसीआय केएल राहुल याच्याबाबत कोणताही धोका पत्कारण्याच्या विचारात नाही. 

🚨 Update about 5th Test:
- #KLRahul's availability for the final Test in #Dharamsala is in doubt.
- #JaspritBumrah is likely to return for the final Test although discussions are still on regarding workload management of players.[Cricbuzz]#INDvENG | #INDvsENG | @BCCI pic.twitter.com/IBhfFvG6NH

— CricVipez (@CricVipezAP) February 27, 2024

धर्मशाला कसोटीत खेळण्यावर सस्पेन्स - 

केएल राहुल आठवडाभरापासून लंडनमध्ये उपचार घेतोय. तो अद्याप भारतामध्ये परतला नाही. सात मार्चपासून अखेरचा कसोटी सामना होणार आहे. त्यासाठी केएल राहुल उपलब्ध असेल का? याबाबतची चर्चा सुरु झाली आहे.  बीसीसीआयकडून लवकरच केएल राहुल याच्याबाबतची माहिती दिली जाईल. भारतीय संघानं इंग्लंडविरोधातील कसोटी मालिका 3-1 च्या फरकानं जिंकली आहे. त्यामुळे बीसीसीआय धोका न पत्कारता युवा खेळाडूंनाही संधी देऊ शकतं. 

IPL मध्ये काय होणार ?

केएल राहुल 90 टक्के तंदुरुस्त असल्याचं बीसीसीआयनं सांगितलं. 22 मार्च रोजी आयपीएलचा रणसंग्राम सुरु होणार आहे. त्याआधी केएल राहुल 100 टक्के तंदुरुस्त होणार का? 1 जूनपासून सुरु होणाऱ्या विश्वचषकासाठी आयपीएलमधील कामगिरीचा आधार घेत संघ निवड करण्यात येईल. केएल राहुल लखनौ संघाचा कर्णधार आहे. त्यामुळे 22 मार्चपासून सुरु होणाऱ्या आयपीएल स्पर्धेत  केएल राहुल खेळणार का? अशी चर्चा सुरु झाली.  

आणखी वाचा :