IND vs SL : कर्णधार KL राहुलची मोठी चूक, कुलदीप यादवने थेट डोकं पकडलं; LIVE सामन्यात नेमकं काय घडलं? पाहा VIDEO
KL Rahul Drops Simple Catch Off Kuldeep Yadav : भारत आणि श्रीलंका यांच्यातील दोन सामन्यांच्या कसोटी मालिकेला 15 ऑगस्टपासून सुरुवात होणार आहे.
KL Rahul Drops Simple Catch Off Kuldeep Yadav : भारत आणि श्रीलंका यांच्यातील दोन सामन्यांच्या कसोटी मालिकेला 15 ऑगस्टपासून सुरुवात होणार आहे. या मालिकेपूर्वी दोन्ही संघ तयारीला लागले असून भारत आणि श्रीलंका इलेव्हन यांच्यात तीन दिवसीय सराव सामना खेळवला जात आहे. कोलंबोतील नॉनडिस्क्रिप्ट्स क्रिकेट क्लब मैदानावर सुरू असलेल्या या सामन्यात भारतीय गोलंदाजांना सुरुवातीला अपेक्षित यश मिळाले नाही. त्यातच एक सोपा झेल सुटल्याने फिरकीपटू कुलदीप यादवचा संताप अनावर झाल्याचा व्हिडिओ सोशल मीडियावर मोठ्या प्रमाणात व्हायरल होत आहे.
भारतीय गोलंदाजांची निराशाजनक सुरुवात (IND Vs SL Practice Match)
दुखापतीमुळे नियमित कर्णधार शुभमन गिल या सराव सामन्यात खेळण्यासाठी मैदानात उतरला नाही. श्रीलंका इलेव्हनचा कर्णधार सोनल दिनुषासोबत त्याने टॉस केला. टॉसमध्ये भारताला पराभव स्वीकारावा लागला आणि श्रीलंका इलेव्हनने प्रथम फलंदाजी करण्याचा निर्णय घेतला. प्रथम फलंदाजी करणाऱ्या श्रीलंका इलेव्हनच्या फलंदाजांनी भारतीय गोलंदाजांना सुरुवातीपासूनच चांगलेच धारेवर धरले. तब्बल 40 षटकांपर्यंत भारताला एकही फलंदाज बाद करता आला नाही. भारताला पहिले यश धावबादच्या स्वरूपात मिळाले. त्यानंतर रवींद्र जाडेजाने 40.4 षटकांत श्रीलंका इलेव्हनचा दुसरा बळी घेत भारताला दिलासा दिला. पहिले यश 20.4 षटकांत 110 धावांवर धावबादच्या रूपाने मिळाले होते. चहापानापर्यंत श्रीलंका इलेव्हनने 59.3 षटकांत 4 बाद 246 धावा केल्या होत्या.
Meet our stand in 36 avg captain who drops easy catches in slip. This happens when u plays on sunil shetty Bollywood damad quota. pic.twitter.com/CBhrHqFiHG
— Harshit (@I_am_Harshit_17) August 7, 2026
केएल राहुलने सोडला सोपा झेल अन्... (KL Rahul Drops Simple Catch)
या सामन्यातील 26व्या षटकातील एक प्रसंग सध्या सोशल मीडियावर चर्चेचा विषय ठरला आहे. कुलदीप यादव गोलंदाजी करत होता, तर यष्टिरक्षणाची जबाबदारी ऋषभ पंतकडे होती. स्लिपमध्ये केएल राहुल उभा होता. षटकातील तिसऱ्या चेंडूवर श्रीलंका इलेव्हनचा फलंदाज रविंदू रसंथा याने बचावात्मक फटका खेळला. चेंडू बॅटची कड घेऊन थेट स्लिपमध्ये उभ्या असलेल्या केएल राहुलकडे गेला. मात्र राहुलला हा अगदी सोपा झेल पकडता आला नाही आणि त्याने संधी गमावली.
त्यावेळी भारताला विकेटची नितांत गरज होती. त्यामुळे झेल सुटताच कुलदीप यादव स्पष्टपणे नाराज झालेला दिसला. त्याने तात्काळ निराशा व्यक्त केली आणि राहुलकडे पाहत आपल्या भावना लपवल्या नाहीत. हा संपूर्ण प्रसंग कॅमेऱ्यात कैद झाला असून त्याचा व्हिडिओ सोशल मीडियावर वेगाने व्हायरल होत आहे.
व्हिडिओ सोशल मीडियावर व्हायरल
सोनी स्पोर्ट्स नेटवर्कने हा व्हिडिओ आपल्या अधिकृत एक्स हँडलवर शेअर केला आहे. व्हिडिओमध्ये झेल सुटल्यानंतर कुलदीप यादवची प्रतिक्रिया स्पष्टपणे दिसत असून क्रिकेटप्रेमींमध्ये त्याची जोरदार चर्चा सुरू आहे. भारताला सराव सामन्यात लवकर विकेट्स मिळत नसल्याने गोलंदाजांवर आधीच दबाव होता. अशा परिस्थितीत आलेली सोपी झेलची संधी हुकल्याने कुलदीपची नाराजी स्वाभाविक मानली जात आहे. आगामी कसोटी मालिकेपूर्वी भारतीय संघातील क्षेत्ररक्षणाबाबतही या घटनेनंतर चर्चा रंगू लागली आहे.
हे ही वाचा -
महत्त्वाच्या बातम्या
