IPL Black Magic : आयपीएलमध्ये काळी जादू, लिंबू अन् जादूटोणा? काय आहे प्रकरण?
IPL CSK Vs SRH : सोशल मीडियामध्ये एक व्हिडीओ व्हायरल होत असून त्यामध्ये एक व्यक्ती लिंबूच्या माध्यमातून काहीतरी मंत्र म्हणताना दिसतोय. हा व्हिडीओ मजेशीर वाटत असला तरी त्यावरून आता चर्चा रंगली आहे.
मुंबई : शनिवारी हैदराबादच्या राजीव गांधी स्टेडियमवर हैदराबाद आणि चेन्नई सुपर किंग्स संघात सामना झाला. या सामन्यात हैदराबादच्या एका चाहत्यानं स्टँड्समध्ये लिंबू हातात घेऊन काही हावभाव केले. योगायोगानं त्याचवेळी चेन्नईचा फलंदाज शिवम दुबे बाद झाला आणि मैदानातल्या काळ्या जादूची चर्चा रंगली. काय आहे हे सगळं प्रकरण? पाहूयात या स्पेशल रिपोर्टमधून.
हातात लिंबू...तोंडानं कोणत्यातरी मंत्रांचा जाप... आणि त्यानंतर पडलेली विकेट. सोशल मीडियाच्या माध्यमातून या संबंधित एक रील तुमच्या मोबाईल स्क्रीनवर नक्कीच आलं असेल. पण या रीलमुळे क्रिकेटच्या मैदानात काळ्या जादूची चर्चा चांगलीच रंगली.
सोशल मीडियावर व्हिडीओ व्हायरल
हा व्हिडीओ आहे शनिवारी झालेल्या आयपीएल सामन्यातला. हैदराबाद विरूद्ध चेन्नई संघातला हा सामना राजीव गांधी स्टेडियमवर सुरू होता. याच दरम्यान चेन्नईची फलंदाजी सुरू असताना एकानं हा व्हिडीओ शूट केला. योगायोगाची बाब म्हणजे हातात लिंबू घेऊन हे असे उद्योग करताना नेमकी चेन्नईची विकेट पडली आणि या जादूची चर्चा सुरू झाली.
SRH fan tried lemon black magic in the stands to get CSK batters out 😭🍋
— The Buzz Filter (@TheBuzzFilter) April 19, 2026
Sunrisers Hyderabad fans bringing full desi jugaad energy 😂#IPL2026 #SRHvsCSK #Hydrabad pic.twitter.com/dEEeAf29cF
हा व्हिडीओ सोशल मीडियात तुफान व्हायरल झाला आणि त्यानंतर काही फोटो शॉप मास्टरना त्यांची क्रिएटिव्हिटी दाखवण्याची हुक्की आली. एकानं सीएसकेचं लेटरहेड तयार केलं आणि त्यात संबंधित क्रिकेट फॅनवर कारवाई होणार असल्याचं म्हटलं.
पण खरं तर अशा कोणत्याही प्रकारची कारवाई सीएसएके किंवा बीसीसीआनं केलीच नाही. हे पत्र बनावट असल्याचं समोर आलं. मात्र त्यामुळे सोशल मीडियात मात्र मीम्स आणि त्याखाली कमेंट्सचा पाऊस पडला.
सामाजिक भान गरजेचं
खेळाडूंची मैदानातली कामगिरी... सामन्यातली हार-जीत हे सगळं खेळाडूंच्या कौशल्याचं आणि मेहनतीचं फळ असतं. मात्र अशा प्रकारच्या कृत्यातून त्याला जादूटोणा संबोधणं किंवा तशा चर्चांना वाव देणं पूर्णपणे चुकीचं आहे.
सामना पाहण्यासाठी आलेल्या प्रेक्षकांनीही केवळ रीलसाठी आणि सोशल मीडियातल्या लाईक्स-कमेंटसाठी असे उद्योग करताना जरा सामाजिक भान ठेवणंही गरजेचं आहे.
ही बातमी वाचा:
महत्त्वाच्या बातम्या
