Bhuvneshwar Kumar च्या घरी आनंदाची बातमी, पत्नी नुपूरने दिला मुलीला जन्म

Bhuvneshwar Kumar Baby : भारतीय संघ सध्या न्यूझीलंडविरुद्ध सामने खेळण्यात व्यस्त असताना भारताचा आघाडीचा गोलंदाज भुवनेश्वर कुमारच्या घरी आनंदाची बातमी आली आहे. त्याला कन्यारत्नाची प्राप्ती झाली आहे.

भुवनेश्वर कुमार आणि पत्नी

मुंबई: भारतीय क्रिकेट संघातील (Indian Cricket team) आघाडीचा गोलंदाज भुवनेश्वर कुमार (Bhuvneshwar Kumar) नुकताच बाबा झाला असून त्याची पत्नी नूपुर नागरने बुधवारी (11 नोव्हेंबर) दिल्लीच्या खाजगी रुग्णालयात मुलीला जन्म दिला आहे. मंगळवारी नुपुरला त्रास सुरु होताच दिल्लीच्या खाजगी रुग्णालयात दाखल करण्यात आलं. ज्यानंतर आज (बुधवारी) तिने एका मुलीला जन्म दिला आहे. विशेष म्हणजे भुवनेश्वरच्या लग्नाच्या वाढदिवसाच्या पुढच्याच दिवशी ही आनंदाची बातमी समोर आली आहे.

भुवनेश्वर नुकताच न्यूझीलंडविरुद्ध 3 टी-20 सामन्यांची मालिका खेळला आहे. यावेळी त्याने 3 विकेट्सही मिळवल्या होत्या. तर दुसरीकडे भुवनेश्वरची पत्नी नुपुर गरोदर असल्यामुळे मागील काही दिवसांपासून तिच्यासोबत तिची आई आणि बहिण दोघीही होत्या. दरम्यान मंगळवारी दिल्लीच्या खाजगी रुग्णालयात नुपुरला दाखल करण्यात आल्यानंतर तिने एका मुलीला जन्म दिला आहे. दरम्यान या आनंदाच्या बातमीनंतर सामने खेळण्यात व्यस्त असणारा भुवनेश्वरही लवकरच मेरठ येथील त्यांच्या घरी पोहोचणार आहे.

 

कुटुंबात पुन्हा आनंदाचे वातावरण

 

नुकताच विश्वचषक संघात असणारा भुवनेश्वर खास कामगिरी करु शकला नव्हता. तर त्याआधी याचवर्षी 20 मे रोजी त्याच्या वडिलांचेही निधन झाले होते. ज्यानंतर संपूर्ण कुटुंब दुखात होतं. पण आता या नव्या परीच्या घरी येण्याने भुवनेश्वरचं कुटुंब पुन्हा एकदा आनंदी झालं आहे. 

• हे ही वाचा

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha