IND vs IRE T20 Playing 11: आयर्लंडविरुद्ध पहिल्या टी20 सामन्यात कोणाला मिळेल संधी; कशी असेल भारताची संभाव्य अंतिम 11
आज भारत आणि आयर्लंड यांच्यात पहिला टी20 सामना आज आयर्लंडच्या डबलिन क्रिकेट स्टेडियमवर खेळवला जाणार आहे.
IND vs IRE 1st T20 Playing 11 : आज टीम इंडिया पुन्हा एकदा मैदानात उतरणार आहे. दक्षिण आफ्रिकेविरुद्धची मालिका अनिर्णीत सुटल्यानंतर आज भारत आयर्लंडविरुद्ध (India vs Ireland) मैदानात उतरेल. बीसीसीआयने या दौऱ्यासाठी नवख्या खेळाडूंना संधी देत हार्दिक पांड्याला (Hardik Pandya) कर्णधारपद दिलं आहे. या खेळाडूंमधील अनेकजण दक्षिण आफ्रिका दौऱ्यातही संघात होते, पण त्यांना संधी मिळाली नव्हती अशा खेळाडूंना आज संधी दिली जाऊ शकते.
यंदा भारतीय संघाची निवड करताना आयपीएलमधील कामगिरीनुसार खेळाडूंना संधी देण्यात आली. त्यामुळे युवा गोलंदाज अर्शदीप सिंह, उमरान मलिक यांना भारतीय संघाचं तिकीट मिळालं. तर दिनेश कार्तिक, हार्दिक पांड्या या दिग्गजांचं पुनरागमन झालं. दरम्यान उमरान, अर्शदीप यांना द. आफ्रिकेविरुद्ध संधी मिळाली नाही, त्यामुळे आज त्यांना संधी मिळू शकते. आयपीएलमध्ये दमदार कामगिरी करणाऱ्या राहुल त्रिपाठीलाही अखेर भारतीय संघात एन्ट्री मिळाली आहे. याशिवाय सूर्यकुमार यादव, संजू सॅमसन याचंही संघात पुनरागमन झालं आहे. त्यामुळे या तिघांना आज संधी मिळण्याची दाट शक्यता आहे.
अशी असू शकते संभावित प्लेईंग 11 - ईशान किशन (विकेटकिपर), संजू सॅमसन, दीपक हुडा, सूर्यकुमार यादव, हार्दिक पांड्या (कर्णधार), दिनेश कार्तिक, राहुल त्रिपाठी, भुवनेश्वर कुमार, युजवेंद्र चहल, अर्शदीप सिंह, उमरान मलिक.
असा आहे आयर्लंडचा संघ
अँड्र्यू बालबर्नी (कर्णधार), मार्क अडायर, कर्टिस कॅपर, गॅरेथ डेलानी, जॉर्ज डॉकरेल, स्टीफन डोहेनी, जोश लिटिल, अँड्र्यू मॅकब्राईन, बॅरी मॅकार्थी, कॉनर ऑफ्लर्ट, पॉल स्टलिंर्ग, हॅरी टेक्टर, लॉर्कन टकर, क्रेग यंग.
हे देखील वाचा-
महत्त्वाच्या बातम्या
ट्रेंडिंग न्यूज
