IND vs ENG 1st T20I Live : 4,4,6,4,4.... संजू सॅमसनने घातला धुमाकूळ, दुसऱ्याच षटकात ठोकल्या इतक्या धावा
India vs England 1st T20I Live Updates : सूर्यकुमार यादवच्या नेतृत्वाखालील भारतीय संघ 2025 मध्ये पहिल्या टी-20 आंतरराष्ट्रीय सामन्यात इंग्लंडविरुद्ध खेळत आहे.
LIVE
Background
India vs England 1st T20I Live Cricket Score : सूर्यकुमार यादवच्या नेतृत्वाखालील भारतीय संघ 2025 मध्ये पहिल्या टी-20 आंतरराष्ट्रीय सामन्यात इंग्लंडविरुद्ध खेळत आहे. दोन्ही संघांमधील हा सामना कोलकात्यातील ऐतिहासिक ईडन गार्डन्स स्टेडियमवर खेळला जात आहे. गेल्या 6 वर्षात भारतीय संघाने घरच्या मैदानावर एकही टी-20 मालिका गमावलेली नाही. टीम इंडियाला शेवटचा 2019 मध्ये घरच्या मैदानावर ऑस्ट्रेलियाकडून टी-20 मध्ये पराभव पत्करावा लागला होता. तेव्हापासून, भारत त्यांच्या घरच्या मैदानावर टी-20 मालिकेत अपराजित आहे. भारतीय संघाला त्याच्या घरच्या मैदानावर अजिंक्य ठेवण्याचे आव्हान सूर्याच्या खांद्यावर असेल.
भारत आणि इंग्लंडचे संघ टी-20 मध्ये 24 वेळा आमनेसामने आले आहेत. भारताने 13 सामने जिंकले आहेत, तर इंग्लंडने 11 सामने जिंकले आहेत. भारताने इंग्लंडविरुद्ध घरच्या मैदानावर 11 टी-20 सामने खेळले आहेत, ज्यात टीम इंडियाने 6 जिंकले आहेत तर इंग्लंडने 5 सामन्यांमध्ये विजय मिळवला आहे. या सामन्यापूर्वी, दोन्ही संघांनी कोलकाता येथे एक टी-20 सामना खेळला होता ज्यामध्ये इंग्लंडने विजय मिळवला होता. हा टी-20 सामना 2011 मध्ये खेळला गेला होता. त्यावेळी इंग्लंडने भारताचा 6 गडी राखून पराभव केला होता.
IND vs ENG 1st T20I Live : 4,4,6,4,4.... संजू सॅमसनने घातला धुमाकूळ, दुसऱ्याच षटकात ठोकल्या इतक्या धावा
संजू सॅमसनने घातला धुमाकूळ आहे. त्याने पहिल्या षटकात फक्त 1 धाव घेतली, पण दुसऱ्या षटकात चौकार आणि षटकारचा पाऊस पाडला. दुसऱ्या षटकात सॅमसनने एकूण 22 धावा केल्या, त्यादरम्यान त्याने 4 चौकार आणि 1 षटकार मारला.
IND vs ENG 1st T20I Live : अर्शदीप अन् वरुणच्या 'चक्रवर्ती'मध्ये फसले इंग्रज! भारतासमोर 133 धावांचे लक्ष्य
इंग्लंडने पहिला टी-20 सामना जिंकण्यासाठी भारतासमोर 133 धावांचे लक्ष्य ठेवले आहे. फिरकी गोलंदाज वरुण चक्रवर्तीच्या नेतृत्वाखालील भारतीय गोलंदाजांनी शानदार कामगिरी करत इंग्लंडचा संघ 20 षटकांत 132 धावांवर आटोपला. इंग्लंडकडून कर्णधार जोस बटलरने अर्धशतक झळकावले आणि 44 चेंडूत आठ चौकार आणि दोन षटकारांसह 68 धावा केल्या. इंग्लंडच्या फक्त तीन फलंदाजांना दुहेरी आकडा गाठता आला आणि बटलरशिवाय इतर कोणताही फलंदाज प्रभावित करू शकला नाही.
या सामन्यासाठी भारताने अनुभवी वेगवान गोलंदाज मोहम्मद शमीचा प्लेइंग-11 मध्ये समावेश केला नव्हता, परंतु अर्शदीप सिंगने जबाबदारी घेतली आणि सुरुवातीला पाहुण्या संघाला दोन धक्के देऊन भारताला चांगली सुरुवात करून दिली. यासह, अर्शदीप आंतरराष्ट्रीय टी-20 मध्ये भारताचा सर्वात यशस्वी गोलंदाज बनला.
IND vs ENG 1st T20I Live : वरुण चक्रवर्तीने बटलरची घेतली विकेट
इंग्लंडचा कर्णधार जोस बटलरचा आऊट झाला आहे, त्याने 44 चेंडूत आठ चौकार आणि दोन षटकारांच्या मदतीने 68 धावा केल्या. इंग्लंडने 109 धावांवर आठवी विकेट गमावली. या सामन्यात वरुणने चार षटकांच्या स्पेलमध्ये 23 धावा देत तीन विकेट्स घेतल्या.
IND vs ENG 1st T20I Live : इंग्लंडला सहावा धक्का
अक्षर पटेलने जेमी ओव्हरटनला बाद करून इंग्लंडला सहावा धक्का दिला. चार चेंडूत दोन धावा काढून ओव्हरटन बाद झाला.
IND vs ENG 1st T20I Live : इंग्लंडचा अर्धा संघ परतला पॅव्हेलियनमध्ये
हार्दिक पांड्याने जेकब बेथेलला आऊट करून इंग्लंडला पाचवा धक्का दिला आहे. अशाप्रकारे, इंग्लंडचा अर्धा संघ 83धावांवर पॅव्हेलियनमध्ये परतला. हार्दिकची या सामन्यातील ही पहिली विकेट आहे.
महत्त्वाच्या बातम्या
ट्रेंडिंग न्यूज
