(Source: ECI/ABP News/ABP Majha)
India vs Australia, Playing 11 : चौथ्या कसोटीत महत्त्वाच्या बदलासह भारत मैदानात, सिराजला विश्रांती तर शमीला संधी, पाहा दोन्ही संघाची प्लेईंग-11
India vs Australia 4th Test: टीम इंडिया आणि टीम ऑस्ट्रेलिया संघांमधील चौथा कसोटी सामना आजपासून अहमदाबादच्या नरेंद्र मोदी स्टेडियममध्ये सुरु होणार असून मालिकाविजयासाठी हा सामना भारताला जिंकणं अनिवार्य आहे.
India vs Australia Test: भारतीय संघ (Team India) आणि ऑस्ट्रेलिया (Team Australia) यांच्यात सुरु कसोटी मालिकेतील (IND vs AUS 4th Test) शेवटचा आणि निर्णायक सामना आजपासून (9 मार्च) अहमदाबादच्या नरेंद्र मोदी स्टेडियमवर (Ahmedabad Narendra Modi Stadium) खेळवला जात आहे. नुकतीच नाणेफेक झाली असून ऑस्ट्रेलियाने टॉस जिंकत प्रथम फलंदाजी करण्याचा निर्णय घेतला आहे. दरम्यान संघाच्या प्लेईंग 11 चा विचार केल्यास ऑस्ट्रेलियाने तिसऱ्या सामन्यात उतरवलेलाच संघ उतरवला असून भारत एका महत्त्वाच्या बदलासह मैदानात उतरला आहे.
भारताने आपला अनुभवी वेगवान गोलंदाज मोहम्मद शमी याला पुन्हा एकदा अंतिम 11 मध्ये संधी दिली असून मोहम्मद सिराज याला विश्रांती दिली आहे. याशिवाय गोलंदाजीसाठी उमेश यादवही संघात आहे. तर सलामीला आजही केएलच्या जागी शुभमन गिल कर्णधार रोहित शर्मासोबत उतरणार आहे. तसंच चेतेश्वर पुजारा, विराट कोहली, श्रेयस अय्यर, केएस भरत हे फलंदाजीला असून रवींद्र जाडेजा, रविचंद्रन अश्विन, अक्षर पटेल अष्टपैलू कामगिरी निभावतील. तर नेमकी दोन्ही संघाची प्लेईंग 11 पाहूया...
टीम इंडियाची प्लेईंग इलेव्हन : रोहित शर्मा (कर्णधार), शुभमन गिल, चेतेश्वर पुजारा, विराट कोहली, श्रेयस अय्यर, केएस भरत (विकेटकीपर), रवींद्र जाडेजा, रविचंद्रन अश्विन, अक्षर पटेल, मोहम्मद शमी, उमेश यादव.
ऑस्ट्रेलियाची प्लेईंग इलेव्हन : स्टीव स्मिथ (कर्णधार), ट्रॅव्हिस हेड, उस्मान ख्वाजा, मार्नस लॅबुशेन, पीटर हँड्सकॉम्ब, कॅमेरॉन ग्रीन, अॅलेक्स कॅरी (विकेटकीपर), मिचेल स्टार्क, टॉड मर्फी, मॅथ्यू कुहनेमन, नॅथन लियॉन
View this post on Instagram
भारत विरुद्ध ऑस्ट्रेलिया head to head
आजवरच्या इतिहासाचा विचार केल्यास भारत आणि ऑस्ट्रेलिया या दोन्ही संघांमध्ये आतापर्यंत एकूण 105 कसोटी सामने खेळले गेले आहेत. यामध्ये भारतीय संघाने 32 सामने जिंकले आहेत, तर ऑस्ट्रेलियाने 44 सामने जिंकले आहेत. याशिवाय 28 सामने ड्रॉ झाले असून एक सामना बरोबरीत सुटला आहे. दरम्यान आजची कसोटी जिंकून भारतीय संघ जागतिक कसोटी चॅम्पियनशिपच्या अंतिम फेरीत स्थान निश्चित करेल. सध्या, टीम इंडिया 60.29 च्या विजयाच्या टक्केवारीसह जागतिक कसोटी चॅम्पियनशिपच्या गुणतालिकेत दुसऱ्या स्थानावर आहे. त्याचबरोबर ऑस्ट्रेलिया 68.52 विजयाच्या टक्केवारीसह पहिल्या क्रमांकावर असून WTC फायनलमध्ये पोहोचली आहे.
इतर बातम्या :
महत्त्वाच्या बातम्या
ट्रेंडिंग न्यूज
