Ind vs SA, 2nd Test, 2nd Day Highlights: शार्दूलची '7 STAR' कामगिरी, दक्षिण आफ्रिकेकडे 27 धावांची आघाडी

IND vs SA, 2nd Test, Wanderers Stadium: भारत विरुद्ध दक्षिण आफ्रिका (India vs South Africa) यांच्यात जोहान्सबर्ग येथील वांडरर्स स्टेडियमवर सुरु असलेल्या कसोटी सामन्यात सध्या भारत दुसरा डाव खेळत आहे.

Shardul_thakur

Ind vs SA, 1st Innings Highlights: भारत विरुद्ध दक्षिण आफ्रिका (India vs South Africa) यांच्यात जोहान्सबर्ग येथील वांडरर्स स्टेडियमवर (The Wanderers Stadium, Johannesburg) सुरु असलेल्या कसोटी सामन्यात सध्या भारत दुसरा डाव खेळत आहे. दक्षिण आफ्रिकेला 229 धावांवर सर्वबाद केल्यानंतर भारत 27 धावांनी पिछाडीवर खेळत आहे. सामन्यात भारताचा अष्टपैलू शार्दूल ठाकूरने (Shardul Thakur) भेदक गोलंदाजी करत दक्षिण आफ्रिकेचे तब्बल 7 गडी तंबूत धाडले. ज्यामुळे दुसऱ्या दिवशी भारत दक्षिण आफ्रिकेला रोखू शकला आहे.  

कसोटीच्या पहिल्यादिवशी भारताने पहिल्या डावात 202 धावा केल्या. त्यानंतर दक्षिण आफ्रिकेने फलंदाजीला सुरुवात केली असता पहिल्या दिवशीच्या अखेरीस दक्षिण आफ्रिका संघाने 1 विकेट गमावत 35 धावा केल्या. त्यानंतर दुसऱ्या दिवशीचा खेळ सुरु झाल्यावर शार्दूलने आफ्रिकेचे तीन गडी पटापट बाद केले. पण त्यानंतर बावुमा आणि काईल या जोडीने डाव सावरला आणि धावसंख्या 160 च्या पुढे पोहोचवली. पण 162 धावांवर काईल बाद होताच 177 धावांवर बावुमाही बाद झाला. नंतर लगेचच शमीने रबाडालाही तंबूत धाडलं. ज्यानंतर मार्को आणि महाराज यांनी आठव्या गड्यासाठी काही धावा केल्या पण महाराजला बुमराहने (Jasprit Bumrah) बाद करताच शार्दूलने अखेरचे दोन गडी बाद करत आफ्रिकेला 229 धावांत सर्वबाद केलं. ज्यानंतर भारताने फलंदाजीला सुरुवात केली आहे. 

हे ही वाचा -

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha