Ind vs SA, 2nd Test, 1st Day Highlights: राहुल-आश्विनची झुंज, भारताचा पहिला डाव 202 धावांवर आटोपला
IND vs SA, 2nd Test, Wanderers Stadium: भारत आणि दक्षिण आफ्रिका यांच्यातील कसोटी मालिकेच्या दुसऱ्या सामन्यात भारताने खराब फलंदाजीमुळे पहिल्या डावात केवळ 202 धावाच केल्या आहेत.
Ind vs SA, 2nd Test Match Highlights : भारत विरुद्ध दक्षिण आफ्रिका (India vs South Africa) यांच्यात जोहान्सबर्ग येथील वांडरर्स स्टेडियमवर सुरु असलेल्या दुसऱ्या कसोटी सामन्यात भारताचा पहिला डाव 202 धावांवर आटोपला आहे. भारताने सामन्यात नाणेफेक जिंकत प्रथम फलंदाजी घेतली पण केएल राहुल आणि आर आश्विन सोडता एकाही खेळाडूला खास कामगिरी करता न आल्याने भारताचा डाव 202 धावांवर आटोपला आहे.
सामन्याची सुरुवात होताच भारताचे महत्त्वाचे फलंदाज स्वस्तात माघारी परतत होते. सलामीवीर मयांक 26 धावांवर बाद होताच पुजारा (3) आणि रहाणे (0) लगेच बाद झाले मग पुढील खेळाडूही पटपट बाद झाले. दरम्यान आश्विनने मात्र धडाकेबाज 46 धावा झळकावल्या ज्यामुळे भारताचा डाव काहीसा सावरला. अखेर बुमराहने दोन चौकार आणि एक षटकार ठोकत 11 चेंडूत 14 धावा केल्या. ज्यामुळे भारताचा 200 धावांचा आकडा पार झाला. अखेर सिराज बाद झाल्यामुळे भारताचा 202 धावांवर पहिला डाव आटोपला.
मार्कोची कमाल
आफ्रिकेचा युवा गोलंदाज मार्को जॅन्सन याने नुकताच कसोटी संघात पदार्पण केल्यानंतर या सामन्यातही दमदार कामगिरी केली आहे. त्याने 4 विकेट्स पटकावले आहेत. राहुल, अगरवाल, पंत आणि आश्विन हे चारही महत्त्वाचे विकेट्स मार्कोने टीपले आहेत. याशिवाय रबाडा आणि ऑलिवियर यांनी प्रत्येकी 3 विकेट्स घेतल्या आहेत.
हे ही वाचा -
- IND vs SA : केएल राहुल भारताचा 34 वा कसोटी कर्णधार, म्हणतो 'हे तर प्रत्येक खेळाडूचं स्वप्न'
- Video : हनुमा विहारीला बाद करण्यासाठी आफ्रिकेच्या खेळाडूची अफलातून झेप, ही अप्रतिम कॅच पाहाच!
- IND vs SA : भारतापाठोपाठ दक्षिण आफ्रीकेनेही जाहीर केला एकदिवसीय संघ, टेम्बा बावुमाकडे कर्णधारपद
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
