IND vs AUS 1st Test : 'रोहित बाहेर गेला तरी आमच्याकडे पर्याय आहेत...' कोण करणार ओपनिंग? कोच गंभीरने सांगितली दोन नावं

India vs Australia Test Series : भारत आणि ऑस्ट्रेलिया यांच्यातील पाच सामन्यांच्या कसोटी मालिकेला 22 नोव्हेंबरपासून सुरुवात होत आहे.

Who will open in Rohit Sharma absence

Source : ABP

Who will open in Rohit Sharma absence : भारत आणि ऑस्ट्रेलिया यांच्यातील पाच सामन्यांच्या कसोटी मालिकेला 22 नोव्हेंबरपासून सुरुवात होत आहे. या दौऱ्यावर रवाना होण्यापूर्वी प्रशिक्षक गौतम गंभीर यांनी माध्यमांशी संवाद साधला. पर्थ येथे होणाऱ्या पहिल्या कसोटीत नियमित कर्णधार रोहित शर्मा बाहेर असणार अशी चर्चा आहे. त्यावर ते म्हणाले- सध्या याला पुष्टी नाही. तो उपलब्ध होईल अशी आशा आहे. पर्थ कसोटीपूर्वी आम्ही तुम्हाला ही माहिती देऊ.

Gautam Gambhir said, "KL Rahul and Abhimanyu Easwaran are the opening options for us if Rohit Sharma isn't available". pic.twitter.com/0EEy0T0dZS

— Mufaddal Vohra (@mufaddal_vohra) November 11, 2024

रोहितच्या अनुपस्थितीत कोण ओपनिंग करणार? या प्रश्नावर गंभीर म्हणाला, आमच्याकडे अनेक पर्याय आहेत. आमच्याकडे अभिमन्यू ईश्वरन आहे आणि आमच्याकडे केएल राहुल आहे. पर्थमधील सुरुवातीच्या कसोटीपूर्वी आम्ही निर्णय घेऊ आणि कोणाला सलामी द्यायची हे ठरवू. आमच्याकडे ओपनिंगसाठी आणखी बरेच पर्याय आहेत.

शुभमन गिलच्या रूपाने सलामीसाठी संघाकडे आणखी एक पर्याय आहे. पत्रकार परिषदेत गंभीरला गिलबद्दल प्रश्नही विचारण्यात आले. 2020/21 मध्ये भारताच्या शेवटच्या ऑस्ट्रेलिया दौऱ्यात शुभमन गिलने भारतीय संघासाठी सलामी दिली होती. मात्र, वर्षभरापूर्वी यशस्वी जैस्वाल आल्यानंतर त्यांना तिसऱ्या क्रमांकावर पाठवले जाऊ लागले. गंभीर म्हणाला की, पर्थमध्ये आमच्यासाठी काम करू शकेल असे सर्वोत्तम कॉम्बिनेशन करण्याचा आम्ही प्रयत्न करू. शुभमनने फलंदाजी केली की ईश्वरन किंवा केएल, हे सर्व आपल्याला योग्य कॉम्बिनेशन काय वाटते यावर अवलंबून आहे.

Gautam Gambhir said - "KL Rahul and Abhimanyu Easwaran are the opening options for us if Rohit Sharma isn't available". pic.twitter.com/B6PvggL4Yp

— Tanuj Singh (@ImTanujSingh) November 11, 2024

गंभीर म्हणाला, 'आम्ही वर्ल्ड टेस्ट चॅम्पियनशिप किंवा पॉइंट टेबलबद्दल जास्त विचार करत नाही. प्रत्येक मालिका आमच्यासाठी महत्त्वाची आहे. आम्ही प्रत्येक मालिका जिंकण्याचा प्रयत्न करतो. यावेळीही आमची योजना तशीच आहे. बॉर्डर गावसकर ट्रॉफी जिंकण्याचा आमचा प्रयत्न असेल.

बॉर्डर-गावसकर ट्रॉफीसाठी भारतीय संघ - रोहित शर्मा (कर्णधार), जसप्रीत बुमराह (उपकर्णधार), यशस्वी जैस्वाल, अभिमन्यू ईश्वरन, शुभमन गिल, विराट कोहली, केएल राहुल, ऋषभ पंत (यष्टीरक्षक), सर्फराज खान, ध्रुव जुरेल (यष्टीरक्षक), आर अश्विन, आर जडेजा, आर. मोहम्मद सिराज, आकाश दीप, प्रसिद्ध कृष्णा, हर्षित राणा, नितीश कुमार रेड्डी, वॉशिंग्टन सुंदर.

हे ही वाचा -