IND vs WI, 2nd T20, Weather Report : भारत-वेस्ट इंडीज दुसऱ्या टी20 मध्ये पाऊस येणार का? कशी असेल हवामानाची स्थिती?
IND vs WI, 2nd T20 : भारत आणि वेस्ट इंडीज यांच्यात आज दुसरा टी20 सामना सेंट किट्स येथील वॉर्नर पार्कमध्ये होणार असून एकदिवसीय मालिकेत पावसाने हजेरी लावल्यामुळे आजचं वातावरण कसं असेल याकडे सर्वांचं लक्ष आहे.
IND vs WI, 2nd T20, Weather Report : भारत विरुद्ध वेस्ट इंडीज (India vs West indies) यांच्यात सेंट किट्स येथील वॉर्नर पार्क क्रिकेट स्टेडियमवर पार पडणाऱ्या दुसऱ्या टी20 सामन्यासाठी दोन्ही संघ सज्ज झाले आहेत. भारताने एक सामना जिंकल्यामुळे आजचा सामना जिंकून मालिकेतील आघाडी वाढवण्याचा भारताचा प्रयत्न असून वेस्ट इंडीज बरोबरी करण्यासाठी मैदाणात उतरणार आहे. अशामध्ये सामन्यात पावसाने व्यत्यय आणल्यास संपूर्ण सामना होणार नाही किंवा सामना रद्द ही होऊ शकतो. ज्यामुळे आज सामना होणाऱ्या ठिकाणी हवामानाची स्थिती कशी आहे पाहूया...
हवामानाची माहिती देणाऱ्या Weather.com ने दिलेल्या माहितीनुसार आज सेंट किट्स येथील सामना होणाऱ्या ठिकाणी काही प्रमाणात ढगाळ वातावरण असणार आहे. ज्यामुळे किमान 1 तास तरी पाऊस नक्कीच पडेल. वातावरणही 26 ते 30 अंश सेल्सियसमध्ये असणार असून वातावरणार 73 ते 81 टक्के आर्द्रता असणार आहे. पावसाची शक्यता अगदी कमी असून केवळ 7 ते 9 टक्के इतकीत असल्याने आज संपूर्ण ओव्हर्सचा सामना क्रिकेट रसिकांना पाहायला मिळू शकतो.
मैदानावरील इतिहास
आजचा सामना होणाऱ्या मैदानात भारत पहिलाच सामना खेळत आहे. दुसरीकडे वेस्ट इंडीजने मात्र याठिकाणी 10 आंतरराष्ट्रीय सामने खेळले असून त्यातील 6 जिंकले देखील आहेत.याशिवाय दोन सामन्यात त्यांना पराभव पत्करावा लागला असून दोन सामने अनिर्णीत राहिले आहेत.
संभाव्य भारतीय संघ - रोहित शर्मा (कर्णधार), सूर्यकुमार यादव, श्रेयस अय्यर, ऋषभ पंत (विकेटकिपर), दिनेश कार्तिक, दीपक हुडा, हार्दीक पांड्या, रवींद्र जाडेजा, रवीचंद्रन आश्विन, भुवनेश्वर कुमार, अर्शदीप सिंह, रवी बिश्नोई.
संभाव्य वेस्ट इंडीज संघ - काइल मेयर्स, ब्रँडन किंग, निकोलस पूरन (कर्णधार), जेसन होल्डर, शिमरॉन हेटमायर, रोव्हमन पॉवेल, ओडेन स्मिथ, ओबेद मकॉय, अल्झारी जोसेफ, हेडन वॉल्श, अकेल हुसेन.
हे देखील वाचा -