Team India ICC WTC 2025-27 Full Schedule : नव्या युगाच्या स्वप्नाची सुरुवात! आयसीसीकडून WTC 2025‑27 चे वेळापत्रक जाहीर, टीम इंडिया कोणाविरुद्ध किती सामने खेळणार?
दक्षिण आफ्रिकेने 2023-25 वर्ल्ड टेस्ट चॅम्पियनशिप जिंकल्यानंतर एक दिवसानंतर आंतरराष्ट्रीय क्रिकेट परिषदेने WTC 2025-27 चे वेळापत्रक जाहीर केले आहे.
Team India ICC WTC 2025-27 Full Schedule : दक्षिण आफ्रिकेने 2023-25 वर्ल्ड टेस्ट चॅम्पियनशिप (WTC) जिंकल्यानंतर एक दिवसानंतर आंतरराष्ट्रीय क्रिकेट परिषदेने (ICC) WTC 2025-27 चे वेळापत्रक जाहीर केले आहे. यामध्ये 9 संघांमध्ये एकूण 71 सामने खेळले जातील. 17 जूनपासून ते सुरू होणार आहे. पहिला सामना श्रीलंकेतील गॅले येथे श्रीलंका आणि बांगलादेश यांच्यात खेळला जाणार आहे.
वेळापत्रकानुसार, यावेळी ऑस्ट्रेलिया जास्तीत जास्त 22 सामने खेळेल, तर इंग्लंडला 21 सामने खेळायचे आहेत. या वर्षाच्या अखेरीस अॅशेस मालिकेदरम्यान दोन्ही संघ एकमेकांसमोर येतील. तर टीम इंडिया 20 जूनपासून इंग्लंडविरुद्धच्या पहिल्या कसोटी सामन्याने आपल्या मोहिमेची सुरुवात करेल. हा सामना लीड्समध्ये खेळला जाईल.
टीम इंडिया 18 कसोटी सामने खेळणार...
शुबमन गिलच्या नेतृत्वाखालील टीम इंडिया 2025-27 वर्ल्ड टेस्ट चॅम्पियनशिप दरम्यान एकूण 18 कसोटी सामने खेळणार आहे. 20 जूनपासून इंग्लंडविरुद्ध 5 कसोटी सामन्यांच्या मालिकेने सुरुवात होणार आहे. यानंतर टीम इंडिया वेस्ट इंडिज, दक्षिण आफ्रिका आणि ऑस्ट्रेलियाविरुद्ध घरच्या मैदानावर कसोटी मालिका खेळणार आहे. याशिवाय, ते श्रीलंका आणि न्यूझीलंड दौऱ्यावर कसोटी सामने खेळण्यासाठी जाणार आहे.
🚨 WTC 2027 BEGINS ON JUNE 17, TUESDAY 🚨 pic.twitter.com/wPiNnUWvnL
— Johns. (@CricCrazyJohns) June 14, 2025
टीम इंडिया कोणाविरुद्ध किती सामने खेळणार?
इंग्लंड : 5 सामने
वेस्ट इंडिज : 2 सामने
दक्षिण आफ्रिका : 2 सामने
ऑस्ट्रेलिया : 5 सामने
श्रीलंका : 2 सामने
न्यूझीलंड : 2 सामने
टीम इंडियाला 2023-25 च्या वर्ल्ड कपमध्ये तिसऱ्या स्थानावर समाधान मानावे लागले होते, परंतु यावेळी त्यांचे बहुतेक सामने घरच्या मैदानावर आहेत, त्यामुळे ते कोणत्याही परिस्थितीत विजय नोंदवू इच्छितात. यामध्ये सर्वात मोठे आव्हान ऑस्ट्रेलियाचे आहे. यावेळी ऑस्ट्रेलियाला भारताचा दौरा करायचा आहे. टीम इंडियाला ऑस्ट्रेलियाविरुद्ध पाच कसोटी सामन्यांची मालिका जिंकून मागील पराभवाचा बदला घ्यावा लागेल.
गतविजेता ऑक्टोबरमध्ये पहिला कसोटी सामना खेळणार...
गतविजेता दक्षिण आफ्रिका ऑक्टोबरपासून आपल्या मोहिमेची सुरुवात करेल. ते पाकिस्तानला जाऊन कसोटी मालिका खेळतील, तर दक्षिण आफ्रिकेचे चाहते सप्टेंबर 2026 मध्ये त्यांची टीम ऑस्ट्रेलियाविरुद्ध घरच्या मैदानावर तीन कसोटी सामन्यांची मालिका खेळण्याची आतुरतेने वाट पाहत आहेत.
ऑस्ट्रेलिया खेळणार सर्वाधिक सामने
2025-27 च्या वर्ल्ड टेस्ट चॅम्पियनशिपमध्ये फक्त इंग्लंड आणि ऑस्ट्रेलिया टीम इंडियापेक्षा जास्त, प्रत्येकी 5-5 सामने खेळतील. वर्ल्ड टेस्ट चॅम्पियनशिप दरम्यान, ऑस्ट्रेलिया सर्वाधिक 22 कसोटी सामने खेळेल, तर इंग्लंड 21 कसोटी सामने खेळेल. याशिवाय, न्यूझीलंड 16, वेस्ट इंडिज 14, दक्षिण आफ्रिका 14, पाकिस्तान 13, श्रीलंका 12 आणि बांगलादेश 12 कसोटी सामने खेळतील.
हे ही वाचा -
महत्त्वाच्या बातम्या
