ICC चॅम्पियन ट्रॉफीमध्ये 'या' दिवशी भारत-पाकिस्तान भिडणार, जाणून घ्या कुठं पाहता येणार हाय-व्होल्टेज सामना?
चॅम्पियन्स ट्रॉफीमध्ये भारत आणि पाकिस्तान कधी भिडणार, प्रत्येक क्रिकेटप्रेमींना असा प्रश्न पडला आहे.
ICC Champions Trophy 2025 India vs Pakistan : चॅम्पियन्स ट्रॉफीमध्ये भारत आणि पाकिस्तान कधी भिडणार, प्रत्येक क्रिकेटप्रेमींना असा प्रश्न पडला आहे. पाकिस्तान क्रिकेट बोर्ड आता हायब्रीड मॉडेल अंतर्गत चॅम्पियन्स ट्रॉफी 2025 चे आयोजन करण्यास तयार आहे. अशा स्थितीत क्रिकेटप्रेमींच्या मनात सर्वात मोठी उत्सुकता आहे की, भारत-पाकिस्तान सामना कधी होणार आणि कुठे होणार? दोन्ही देश एकमेकांच्या यजमानपदाचा सामना खेळण्यास तयार नसल्यामुळे दोघांमधील सामना तटस्थ ठिकाणी होणार आहे. मीडिया रिपोर्ट्समध्ये दावा केला जात आहे की, 23 फेब्रुवारीला भारत आणि पाकिस्तानमध्ये हाय-व्होल्टेज सामना रंगणार आहे. हा सामना कोलंबो किंवा दुबईत खेळवला जाणार आहे. मात्र, ते कुठे खेळले जाणार हे अद्याप निश्चित झालेले नाही?
दोन प्रतिस्पर्ध्यांमधील हा सामना कोलंबो किंवा दुबईत खेळवला जाईल, असा दावा मीडिया रिपोर्ट्समध्ये करण्यात आला आहे. मात्र, याबाबत अद्याप आयसीसी किंवा पीसीबीने काहीही सांगितलेले नाही. याप्रकरणी दोघेही लवकरच निर्णय घेतील. नुकतीच आयसीसी चॅम्पियन्स ट्रॉफी 2025 हायब्रीड मॉडेल अंतर्गत खेळण्यास मान्यता मिळाली आहे. ही स्पर्धा आशिया खंडातील दोन देशांमध्ये खेळवली जाईल, त्यापैकी बहुतांश सामने पाकिस्तानमध्ये खेळवले जातील तर भारताचे सामने कोलंबो किंवा यूएईमध्ये खेळवले जातील.
दुसरीकडे, जर भारत उपांत्य फेरी किंवा अंतिम फेरीत स्थान मिळवण्यात यशस्वी झाला तर, त्याचे सर्व सामने यूएई किंवा कोलंबोमध्ये खेळले जातील. चॅम्पियन्स ट्रॉफी सामन्यांचे प्रसारण स्टार स्पोर्ट्स करणार आहे, म्हणजे स्टार स्पोर्ट्स 1 एचडी/एसडी, स्टार स्पोर्ट्स 2 एचडी/एसडी आणि स्टार स्पोर्ट्स 3 इंग्लिश कॉमेंट्रीसह भारत आणि पाक सामना प्रसारित करतील.
टी-20 वर्ल्ड कप 2024 मध्ये भारताने पाकिस्तानचा केला होता पराभव
याआधी टी-20 वर्ल्ड कपदरम्यान भारत-पाकिस्तान सामना न्यूयॉर्कमधील नासाऊ काउंटी क्रिकेट ग्राऊंडवर झाला होता. भारताने हा सामना जिंकला होता. तुम्हाला सांगतो की, आयसीसी चॅम्पियन्स ट्रॉफी 2025 चे वेळापत्रक लवकरच जाहीर होणार आहे. आयसीसीने अलीकडेच पुष्टी केली आहे की, पाकिस्तान क्रिकेट बोर्ड (पीसीबी) लवकरच वेळापत्रक जाहीर करेल. याआधी, काही दिवसांपूर्वी, पीसीबीने आयसीसी चॅम्पियन्स ट्रॉफीमध्ये भारतासोबतच्या सामन्याचे प्रारूप वेळापत्रक जाहीर केले होते, ज्यामध्ये भारत विरुद्ध पाकिस्तान सामना 3 मार्च रोजी खेळवण्याचा निर्णय घेण्यात आला होता.
एमएस धोनीच्या नेतृत्वाखाली टीम इंडियाने जिंकली होती चॅम्पियन्स ट्रॉफी
याआधी 2017 मध्ये झालेल्या आयसीसी चॅम्पियन्स ट्रॉफीच्या अंतिम सामन्यात भारत आणि पाकिस्तान यांच्यात अंतिम सामना झाला होता. या सामन्यात विराट कोहलीच्या नेतृत्वाखाली टीम इंडिया मैदानात उतरली होती, पण टीम इंडियाला पाकिस्तानकडून पराभवाचा सामना करावा लागला होता. त्यावेळी पाकिस्तानने विजेतेपदावर कब्जा केला होता. भारताने शेवटचे 2013 मध्ये एमएस धोनीच्या नेतृत्वाखाली आयसीसी चॅम्पियन्स ट्रॉफी स्पर्धेचे विजेतेपद पटकावले होते. आता रोहित शर्माच्या नेतृत्वाखाली टीम इंडिया पुन्हा एकदा त्या कामगिरीची पुनरावृत्ती करण्याचा प्रयत्न करत आहे. रोहित शर्माच्या नेतृत्वाखाली टीम इंडिया हे विजेतेपद पटकावण्यात यशस्वी ठरली तर आयसीसी चॅम्पियन्स ट्रॉफी जिंकण्याची भारताची ही दुसरी वेळ असेल.
महत्त्वाच्या बातम्या
ट्रेंडिंग न्यूज
