मोठी बातमी : हार्दिक पांड्या स्टेडियमवरुन थेट रुग्णालयात, टीम इंडियाची धाकधूक वाढली
Hardik Pandya Injury: पुण्यात बांगलादेशविरोधात भारतीय संघाला मोठा धक्का बसला आहे.
Hardik Pandya Injury: पुण्यात बांगलादेशविरोधात भारतीय संघाला मोठा धक्का बसला आहे. अष्टपैलू खेळाडू हार्दिक पांड्याला गंभीर दुखापत झाल्याचे समोर आले आहे. गोलंदाजी करताना हार्दिक पांड्याच्या पायाला दुखापत झाली. त्याला उपचारासाठी रुग्णालयात दाखल करण्यात आले आहे. स्कॅनिंग केल्यानंतर त्याची दुखापत किती गंभीर आहे, याबाबतची माहिती समोर येणार आहे. बीबीसीआयने हार्दिक पांड्याच्या दुखापतीबाबत सोशल मीडियावर माहिती दिली.
हार्दिक पांड्याला दुखापत झाल्यामुळे भारतीय संघाच्या अडचणीत वाढ झाली आहे. हार्दिक पांड्यामुळे टीम इंडिया संतुलीत होत होती. हार्दिक पांड्या गोलंदाजी आणि फलंदाजीत मोलाचं योगदान देतो. अशात त्याच्या अनुपस्थितीत टीम इंडियाची अडचण वाढणार आहे.
हार्दिक पांड्याला दुखापत झाल्यामुळे टीम इंडियाच्या आणि चाहत्यांच्या अडचणी वाढल्या आहेत. दुखापत झाल्यामुळे हार्दिक पांड्याला मैदान सोडावे लागले. हार्दिक पांड्या आज मैदानात पुन्हा दिसणार नाही. हार्दिक पांड्याला उपचारासाठी रुग्णालयात पाठवण्यात आले आहे. तिथे हार्दिक पांड्याच्या पायाचे स्कॅन करण्यात येणार आहे. हार्दिक पांड्या पुढील सामन्याआधी तंदुरुस्त होणार का? हा प्रश्नही चाहत्यांना सतावत आहे.
🚨 Update 🚨
— BCCI (@BCCI) October 19, 2023
Hardik Pandya's injury is being assessed at the moment and he is being taken for scans.
Follow the match ▶️ https://t.co/GpxgVtP2fb#CWC23 | #TeamIndia | #INDvBAN | #MeninBlue pic.twitter.com/wuKl75S1Lu
दुखापत कशी झाली ?
आठ षटकांपर्यंत जसप्रीत बुमारह आणि मोहम्मद सिराज यांनी बांगलादेशच्या सलामी फलंदाजांना हात उघडून दिले नव्हते. नववे षटक टाकण्यासाठी हार्दिक पांड्या आला. पहिला चेंडू निर्धाव फेकला. पण दुसऱ्या आणि तिसऱ्या चेंडूवर चौकार गेला. तिसरा चेंडू फेकल्यानंतर हार्दिक पांड्याला दुखापत झाली. हार्दिक पांड्या चेंडू अडवण्यासाठी गेला, पण त्याचवेळी त्याच्या पायाला दुखापत झाली. त्याला प्रचंड वेदना होत होत्या. फिजिओ तात्काळ मैदानात आले. त्यांनी उपचार केले. हार्दिक पुन्हा गोलंदाजी करण्यासाठी गेला. पण त्याची वेदना वाढली. त्यामुळे त्याला मैदान सोडावे लागले. हार्दिक पांड्याच्या षटकातील तीन चेंडू टाकण्यासाठी विराट कोहली आला. विराट कोहलीने सहा वर्षानंतर वनडे क्रिकेटमध्ये गोलंदाजी केली. विराट कोहलीने तीन चेंडूमध्ये दोन धावा दिल्या.
नाणेफेकीचा कौल बांगलादेशच्या बाजूने
पुण्यात भारत आणि बांगलादेश यांच्यातील सामन्याला सुरुवात झाली आहे. बांगलादेशचा कर्णधार नजमुल हसन शन्तो याने नाणेफेक जिंकून प्रथम फलंदाजी कऱण्याचा निर्णय घेतला आहे. भारतीय संघ प्रथम गोलंदाजीसाठी मैदानात उतरणार आहे. जसप्रीत बुमराह आणि मोहम्मद सिराज यांच्या माऱ्याकडे क्रिकेट चाहत्यांचे लक्ष असेल. आजच्या सामन्यात टीम इंडियामध्ये कोणताही बदल करण्यात आला नाही. मागील सामन्यातील विजयी संघ कायम उतरवण्यात आला आहे.
महत्त्वाच्या बातम्या
ट्रेंडिंग न्यूज
