Jonny Bairstow: शतक झळकावताच बेअरस्टोच्या नावावर मोठ्या विक्रमांची नोंद!
India tour of England: भारत आणि इंग्लंड (England vs India) यांच्यात बर्मिंगहॅम (Birmingham) येथे रिशेड्युल कसोटी सामना खेळला जात आहे.
India tour of England: भारत आणि इंग्लंड (England vs India) यांच्यात बर्मिंगहॅम (Birmingham) येथे रिशेड्युल कसोटी सामना खेळला जात आहे. भारताला पहिल्या डावात 416 धावांवर रोखल्यानंतर इंग्लंडचा संघ पहिल्या डावात 284 धावांत संपुष्टात आला. इंग्लंडकडून यष्टीरक्षक जॉनी बेअरस्टोनं (Jonny Bairstow) चमकदारी कामगिरी करून दाखवली. त्यानं 140 चेंडूत 106 धावा केल्या. ज्यात 14 चौकार आणि दोन षटकारांचा समावेश आहे. या शतकाच्या जोरावर बेअरस्टोनं खास विक्रमाला गवसणी घातलीय. या वर्षी कसोटीत सर्वाधिक शतके करणारा पहिला फलंदाज ठरलाय.
भारताविरुद्धच्या पहिल्या डावात इंग्लंडची सुरुवात चांगली झाली नाही. इंग्लंडनं पहिल्या डावात 44 धावांवर तीन विकेट्स गमावले. मात्र, यानंतर पाचव्या क्रमांकावर फलंदाजीला आलेल्या बेअरस्टोनं डावाची धुरा सांभाळली. तसेच शतक झळकावून विक्रमाला गवसणी घातली. यावर्षी कसोटी क्रिकेटमध्ये सर्वाधिक पाच शतक झळकावणारा बेअरस्टो पहिला खेळाडू ठरलाय. त्याच्यानंतर या यादीत दक्षिण आफ्रिकेचा उस्मान ख्वाजा आणि इंग्लंडचा जो रूटचा समावेश आहे. त्यांच्या नावावर प्रत्येकी चार- चार शतकांची नोंद आहे. त्यानंतर यादीत तीन शतकांसह तिसऱ्या क्रमांकावर आहे.
2022 मध्ये सर्वाधिक शतक झळकावणारे फलंदाज-
| क्रमांक | फलंदाज | शतक |
| 1 | जॉनी बेअरस्टो | 5 |
| 2 | उस्मान ख्वाजा / जो रूट | 4 |
| 3 | डॅरिल मिशेल | 3 |
या सामन्यात शतक झळकावणाऱ्या बेअरस्टोनं आणखी एक पराक्रम केलाय. इंग्लंडसाठी कसोटी क्रिकेटमध्ये पाच किंवा त्याखाली फलंदाजी करण्यासाठी मैदान येऊन सर्वाधिक शतके झळकावण्याच्या बाबतीत चौथ्या स्थानावर पोहोचला आहे. बेअरस्टोनं 10 शतके झळकावली आहेत. तर, इयान बेल या बाबतीत आघाडीवर आहे. त्यानं 16 शतके झळकावली आहेत. तर, इयान बोथम दुसऱ्या स्थानावर आहे. त्याच्या नावावर 14 शतकांची नोंद आहे.
हे देखील वाचा-
महत्त्वाच्या बातम्या
