ENG vs IND, 2nd ODI Live Streaming : आज भारत विरुद्ध इंग्लंड दुसरा एकदिवसीय सामना; कधी, कुठे पाहाल मॅच?

India vs England 2nd ODI : भारत आणि इंग्लंड यांच्यात सध्या एकदिवसीय मालिका सुरु असून दुसरा सामना आज खेळवला जाणार आहे.

ind vs eng

India vs England Live : भारत आणि इंग्लंड (India vs England) यांच्यात आज दुसरा एकदिवसीय सामना (2nd ODI) सामना खेळवला जाणार आहे. पहिल्या एकदिवसीय सामन्यात भारताने तब्बल 10 विकेट्सनी विजय मिळवल्यानंतर मालिकेत 1-0 ची आघाडी घेतली आहे. ज्यानंतर आता एकदिवसीय मालिकेतील दुसरा सामना आज खेळवला जात आहे. आजचा सामना भारताने जिंकल्यास मालिकेत 2-0 ची विजयी आघाडी भारत घेईल तर इंग्लंड सामना जिंकून मालिकेत बरोबरी साधू शकतो. तर हा सामना कधी, कुठे पाहता येईल याबद्दल आम्ही तुम्हाला सांगणार आहोत...

कधी आहे सामना?

आज 14 जुलै रोजी भारत आणि इंग्लंड यांच्यातील दुसरा एकदिवसीय सामना खेळवला जाईल. भारतीय वेळेनुसार सायंकाळी 5 वाजून 30 मिनिटांनी सामना सुरु होईल. 5 वाजता नाणेफेक होईल.  

कुठे आहे सामना?

हा सामना इंग्लंडच्या लंडन येथील प्रसिद्ध अशा लॉर्ड्स क्रिकेट स्टेडियमवर खेळवला जाणार आहे.

कुठे पाहता येणार सामना?

भारत आणि इंग्लंड यांच्यातील हा सामना सोनी स्पोर्ट नेटवर्कच्या चॅनेल्सवर पाहता येणार आहे. वेगवेगळ्या भाषेतून सामने पाहता येणार असून सोनी लिव्ह या अॅपवरही सामना पाहता येईल. याशिवाय https://marathi.abplive.com/ येथेही तुम्हाला सामन्याचे लाईव्ह कव्हरेज पाहता येईल.   

इंग्लंडविरुद्ध भारताचा एकदिवसीय संघ-

रोहित शर्मा (कर्णधार), शिखर धवन, ईशान किशन, विराट कोहली, सूर्यकुमार यादव, श्रेयस अय्यर, ऋषभ पंत (विकेटकिपर), हार्दिक पांड्या, रवींद्र जाडेजा, शार्दूल ठाकूर, युजवेंद्र चहल, अक्षर पटेल, जसप्रीत बुमराह, प्रसिध कृष्णा, मोहम्मद शमी, मोहम्मद सिराज, अर्शदीप सिंह 

हे देखील वाचा-