IND vs SL 2nd TEST Devdutt Padikkal : श्रीलंकेची चूक, देवदत्त पडिक्कलचा सूड! 0 अन् 1 रनवर वाचला, मग बॅटने केला हिशोब चुकता; ठोकले सलग दुसरं धडाकेबाज शतक, पण...
Devdutt Padikkal Century Ind vs Sl 2nd Test : श्रीलंकेविरुद्धच्या मालिकेतील सलग दुसऱ्या कसोटीत देवदत्त पडिक्कलने पुन्हा एकदा शतक ठोकत आपली ताकद दाखवून दिली आहे.
Devdutt Padikkal Century Ind vs Sl 2nd Test : भारताचा युवा स्टार देवदत्त पडिक्कल सध्या भन्नाट फॉर्ममध्ये आहे. श्रीलंकेविरुद्धच्या मालिकेतील सलग दुसऱ्या कसोटीत त्याने पुन्हा एकदा शतक ठोकत आपली ताकद दाखवून दिली आहे. कोलंबो येथे सुरू असलेल्या दुसऱ्या कसोटीच्या पहिल्या डावात पडिक्कलने 168 चेंडूंमध्ये आपले शतक पूर्ण केले. हे त्याच्या कसोटी कारकिर्दीतील दुसरे शतक ठरले. विशेष म्हणजे, गॉल कसोटीच्या पहिल्या डावात पडिक्कलने तब्बल 167 धावांची शानदार खेळी केली होती. त्यानंतर दुसऱ्या डावात त्याने 44 धावा केल्या. आता कोलंबोमध्येही शतक ठोकत त्याने श्रीलंकेच्या गोलंदाजांची पुन्हा एकदा परीक्षा घेतली आहे.
Making it a habit. 💯
— Sony Sports Network (@SonySportsNetwk) August 23, 2026
Devdutt Padikkal, making centuries look effortless. 😍
Watch #SLvIND 2nd Test, LIVE NOW on Sony Sports Network TV channels & Sony LIV. #SonySportsNetwork #SonyLIV #BeautifulGameOfTestCricket pic.twitter.com/smHuto2g1r
पहिले दोन जीवदान... मग श्रीलंकेवर घणाघात! (IND vs SL 2nd TEST Devdutt Padikkal)
कोलंबो कसोटीच्या सुरुवातीलाच पडिक्कलला दोनदा जीवदान मिळाले. तो शून्य धावांवर असताना आणि त्यानंतर एक धावांवर असताना त्याचे झेल सुटले. श्रीलंकेला मिळालेल्या या दोन संधींचा पडिक्कलने पुरेपूर फायदा उठवला आणि आता तो यजमान संघासाठी डोकेदुखी ठरला आहे. पडिक्कलने रवींद्र जडेजासोबतही अर्धशतकी भागीदारी करत भारताचा डाव मजबूत केला. सलग दोन कसोटींमध्ये दमदार फलंदाजी करत त्याने तिसऱ्या क्रमांकावरील आपला दावा आणखी भक्कम केला आहे.
देवदत्त पडिक्कल शतक ठोकताच आऊट (Devdutt Padikkal Century Ind vs Sl 2nd Test)
सामन्याबद्दल बोलायचं झालं तर, श्रीलंकेविरुद्धच्या दुसऱ्या कसोटी सामन्यात भारताने पहिल्या डावात दमदार सुरुवात केली आहे. कोलंबोमध्ये सुरू असलेल्या सामन्यात भारताने 76.2 षटकांत 4 बाद 281 धावा केल्या आहेत. देवदत्त पडिक्कलने शानदार शतक ठोकले, पण तब्बल 193 चेंडूंचा सामना करत 12 चौकारांच्या मदतीने 117 धावांची खेळी केली आणि आऊट झाला. त्याआधी कर्णधार शुभमन गिलनेही संयमी अर्धशतक झळकावलं. गिलने 50 धावा केल्या. मात्र त्याला असिथा फर्नांडोने निओशन डिकवेल्लाच्या हातून झेलबाद केलं. भारताच्या डावाची सुरुवात करणारा यशस्वी जैस्वाल 45 धावा करून बाद झाला. असिथा फर्नांडोने त्याला बाद केलं. केएल राहुलला मात्र मोठी खेळी करता आली नाही. तो 18 धावांवर लाहिरू कुमारा याचा बळी ठरला.
हे ही वाचा -
महत्त्वाच्या बातम्या
