Devdutt Padikkal Century IND vs SL : श्रीलंकेची धुलाई करत देवदत्त पडिक्कलने मैदान गाजवलं; वादळी शतकही ठोकलं, पण अचानक LIVE मॅचमध्ये मैदान सोडलं, नेमकं काय घडलं?
Devdutt Padikkal Century News : श्रीलंका इलेव्हनविरुद्ध सुरू असलेल्या तीन दिवसीय सराव सामन्यात भारतीय फलंदाज देवदत्त पडिक्कलने वादळी शतक ठोकले.
Devdutt Padikkal Century News : श्रीलंका इलेव्हनविरुद्ध सुरू असलेल्या तीन दिवसीय सराव सामन्यात भारतीय फलंदाज देवदत्त पडिक्कलने वादळी शतक ठोकले, यासोबत पहिल्या कसोटीच्या प्लेइंग-11साठी आपली दावेदारी मजबूत केली आहे. कोलंबोमध्ये खेळल्या जात असलेल्या या सामन्यात तिसऱ्या क्रमांकावर फलंदाजीला आलेल्या पडिक्कलने अवघ्या 121 चेंडूंमध्ये शतक पूर्ण केलं. मात्र, शतक झळकावल्यानंतर तो रिटायर्ड हर्ट होऊन मैदानाबाहेर गेला.
💯 for Devdutt Padikkal! 🙌🙌
— BCCI (@BCCI) August 8, 2026
A superb knock from the left-handed batter in the warm-up game against SLC XI! 👏 👏
Updates ▶️ https://t.co/g7rdlUUjY2 #TeamIndia pic.twitter.com/eb0p6gnyEQ
पडिक्कलची वादळी शतकी खेळी (Devdutt Padikkal Century Ind vs Sl)
सराव सामन्यात भारतीय संघ व्यवस्थापनाला आपल्या फलंदाजांचा फॉर्म आणि परिस्थितीशी जुळवून घेण्याची बघायची होती. त्यामुळे सर्व प्रमुख फलंदाजांना संधी दिली जात आहे. या संधीचं सोनं करत पडिक्कलने शानदार फलंदाजी केली. पडिक्कलने सुरुवातीपासूनच आत्मविश्वासाने फलंदाजी केली. त्याने 61 चेंडूंमध्ये 6 चौकारांच्या मदतीने अर्धशतक पूर्ण केलं. त्यानंतरही त्याचा आक्रमक अंदाज कायम राहिला. चौकारांचा पाऊस पाडत त्याने फक्त 121 चेंडूंमध्ये शतक पूर्ण केलं. विशेष म्हणजे पडिक्कलने चौकार ठोकत आपलं शतक पूर्ण केलं. त्याच्या खेळीत एकूण 14 चौकारांचा समावेश होता. शतक पूर्ण झाल्यानंतर मात्र त्याला रिटायर्ड हर्ट होऊन मैदान सोडावं लागलं. त्यानंतर ऋषभ पंत फलंदाजीसाठी क्रीजवर आला.
तिसऱ्या क्रमांकासाठी पडिक्कलची दावेदारी मजबूत (Devdutt Padikkal Century Ind vs Sl)
पडिक्कलच्या या शतकामुळे भारतीय संघाच्या प्लेइंग-11 मध्ये तिसऱ्या क्रमांकासाठीची स्पर्धा अधिक रंगली आहे. विशेषतः साई सुदर्शनच्या फिटनेसचा प्रश्न कायम असताना पडिक्कलने मिळालेल्या संधीचा पुरेपूर फायदा उठवला आहे. साई सुदर्शन हा भारतीय कसोटी संघात तिसऱ्या क्रमांकासाठी महत्त्वाचा पर्याय मानला जातो. मात्र, सध्या तो पूर्णपणे फिट नसून सेंटर ऑफ एक्सलन्स (CoE) मध्ये रिहॅबिलिटेशनमधून जात आहे. त्यामुळे श्रीलंकेविरुद्धच्या पहिल्या कसोटीत त्याच्या उपलब्धतेबाबत प्रश्नचिन्ह आहे. अशा परिस्थितीत पडिक्कलने श्रीलंका इलेव्हनविरुद्ध थेट शतक झळकावल्याने टीम मॅनेजमेंटसमोर एक मजबूत पर्याय उभा राहिला आहे.
सराव सामन्यातील पडिक्कलची खेळी ठरू शकते निर्णायक (Devdutt Padikkal Century Ind vs Sl)
श्रीलंका इलेव्हनने प्रथम फलंदाजी करताना पहिल्या दिवसअखेर 90 षटकांत 8 विकेट गमावत 363 धावा केल्या. श्रीलंका इलेव्हनकडून निशान मदुशंकाने 65 चेंडूंमध्ये 66 धावांची खेळी केली. रविंद्र रासांथाने 143 चेंडूंमध्ये 71 धावा केल्या, तर कर्णधार सोनल दिनूषाने 52 धावा केल्या. पसिंदू सूर्यबांदारा यानेही 63 चेंडूंमध्ये 35 धावांचं योगदान दिलं. श्रीलंका इलेव्हनच्या डावात अजून दोन विकेट शिल्लक असताना घोषित केला. मात्र, भारताची सुरुवात धक्कादायक झाली. दुसऱ्या दिवसाच्या दुसऱ्याच चेंडूवर यशस्वी जायस्वाल शून्यावर बाद झाला. त्यानंतर पडिक्कलने डाव सावरला आणि केएल राहुलसोबत महत्त्वाची भागीदारी केली. तिसऱ्या क्रमांकावर उतरून शतक झळकावत त्याने दबावाच्या परिस्थितीत स्वतःला सिद्ध केलं.
हे ही वाचा -
महत्त्वाच्या बातम्या
