Ban vs Ind U19 Asia Cup : टीम इंडियाचं स्वप्न भंगलं! फायनलमध्ये वैभव सूर्यवंशी फेल, बांगलादेशने जिंकला 'आशिया कप'
दुबई आंतरराष्ट्रीय क्रिकेट स्टेडियमवर भारत आणि बांगलादेश यांच्यात अंडर-19 आशिया कप 2024 चा अंतिम सामना खेळला गेला.
Ban vs Ind U19 Asia Cup 2024 : दुबई आंतरराष्ट्रीय क्रिकेट स्टेडियमवर भारत आणि बांगलादेश यांच्यात अंडर-19 आशिया कप 2024 चा अंतिम सामना खेळला गेला. या सामन्यात बांगलादेश संघाने भारतीय संघाचा पराभव करत सलग दुसऱ्यांदा विजेतेपद पटकावले. म्हणजेच बांगलादेश संघ आपले विजेतेपद राखण्यात यशस्वी ठरला आहे. उभय संघांमधील हा सामना खूपच कमी स्कोअरिंगचा होता आणि ज्यामध्ये बांगलादेशने हा सामना 59 धावांनी जिंकला.
गेल्या आशिया कपमध्ये त्यांनी अंतिम फेरीत यूएई संघाचा पराभव केला होता. जो 2023 मध्ये खेळला गेला होता. बांगलादेश संघाने संपूर्ण स्पर्धेत चमकदार कामगिरी केली. त्यांनी उपांत्य फेरीत पाकिस्तान संघाचा पराभव केला. बांगलादेशने 19 वर्षाखालील क्रिकेटमध्ये चांगली कामगिरी केली आहे.
India U19 came close to the target but it's Bangladesh U19 who win the #Final
— BCCI (@BCCI) December 8, 2024
Scorecard ▶️ https://t.co/L3DyqoSp4E#TeamIndia | #ACC | #ACCMensU19AsiaCup pic.twitter.com/rcqf93J3TX
दोन्ही संघांमध्ये खेळल्या गेलेल्या या सामन्याबद्दल बोलायचे झाले तर, या सामन्यात भारतीय संघाच्या कर्णधाराने नाणेफेक जिंकून प्रथम गोलंदाजी करण्याचा निर्णय घेतला. टीम इंडियाच्या गोलंदाजांनीही कर्णधाराचा हा निर्णय योग्य असल्याचे सिद्ध केले आणि बांगलादेशला 49.1 षटकात 198 धावांवर ऑलआऊट केला. बांगलादेशकडून मोहम्मद शिहाब जेम्स आणि एमडी रिझान हुसेन यांनी काहीशी चांगली फलंदाजी केली आहे. या सामन्यात मोहम्मद शिहाब जेम्सने 40 आणि एमडी रिझान हुसेनने 47 धावा केल्या. तर टीम इंडियाकडून युधाजित गुहा, चेतन शर्मा आणि हार्दिक राज यांनी 2-2 विकेट घेतल्या. तर किरण चोरमले, केपी कार्तिकेय आणि आयुष म्हात्रे यांनी प्रत्येकी एक विकेट घेतली.
टीम इंडियासमोर हा सामना जिंकण्यासाठी 199 धावांचं लक्ष्य होतं. या लक्ष्याचा पाठलाग करताना टीम इंडिया 35.2 षटकात 139 धावांवर ऑलआऊट झाली. या सामन्यात टीम इंडियाच्या फलंदाजांनी अत्यंत निराशाजनक कामगिरी केली. भारताकडून एकाही फलंदाजाला 30 धावांचा टप्पा ओलांडता आला नाही. कर्णधार मोहम्मद अमानने सर्वाधिक 26 धावांची खेळी केली. त्याने या सामन्यात केवळ 40 च्या स्ट्राईक रेटने धावा केल्या आहेत. या सामन्यात वैभव सूर्यवंशीही केवळ 9 धावा करू शकला.
𝐌𝐞𝐧’𝐬 𝐀𝐬𝐢𝐚 𝐂𝐮𝐩 𝐔𝐧𝐝𝐞𝐫-𝟏𝟗 𝐂𝐫𝐢𝐜𝐤𝐞𝐭 ||
— All India Radio News (@airnewsalerts) December 8, 2024
🇧🇩Bangladesh defeat 🇮🇳India by 59 runs in the finals to lift the cup.
𝘽𝙧𝙞𝙚𝙛 𝙎𝙘𝙤𝙧𝙚:
BANU19: 198 (49.1)
INDU19: 139 (35.2) #INDU19vBANU19 | #ODI #AsiaCup | #TeamIndia | #ACC | #ACCMensU19AsiaCup pic.twitter.com/D6DmTGScP3
बांगलादेश संघाने सलग दुसऱ्यांदा अंडर-19 आशिया कपचे विजेतेपद पटकावत इतिहास रचला. ही स्पर्धा 1989 पासून खेळवली जात आहे. पण बांगलादेशचा संघ अंडर-19 आशिया कप स्पर्धेच्या इतिहासातील दुसरा संघ ठरला आहे, ज्याने दुसऱ्यांदा जेतेपद पटकावले आहे. यासोबतच टीम इंडियाने 8 जेतेपदांवर कब्जा केला आहे. या दोन संघांव्यतिरिक्त, पाकिस्तान आणि अफगाणिस्तानने प्रत्येकी 1 वेळा ही स्पर्धा जिंकली आहे. त्याचवेळी, टीम इंडियाला अंतिम फेरीत पराभवाचा सामना करावा लागण्याची ही पहिलीच वेळ आहे. याआधी, जेव्हा-जेव्हा भारतीय संघ अंडर-19 आशिया कप स्पर्धेचा अंतिम सामना खेळला होता, तेव्हाही त्याने विजेतेपद पटकावले होते.
महत्त्वाच्या बातम्या
ट्रेंडिंग न्यूज
