CWG 2022: कॉमनवेल्थ स्पर्धेत दीर-भावजयची दमदार कामगिरी! देशाला मिळवून दिले 'सोन्या-चांदीचे' मेडल

Commonwealth Games 2022 : एकाच देशातील भावजय आणि दीराने पदके जिंकली. दीराने सोने तर भावजयने चांदीचे पदक जिंकले.

Commonwealth Games 2022

Commonwealth Games 2022 : 2022 च्या राष्ट्रकुल क्रीडा स्पर्धेत भारतासोबतच इतर अनेक देशांनीही उत्तम कामगिरी केली. ऑस्ट्रेलियन संघ 10 व्या दिवसअखेरपर्यंत पदकतालिकेत अव्वल स्थानावर राहिला. ऑस्ट्रेलियाने आतापर्यंत 66 सुवर्ण, 55 रौप्य आणि 53 कांस्य पदके जिंकली आहेत. चांगल्या कामगिरीसोबतच ऑस्ट्रेलिया आणखी एका खास कारणामुळे चर्चेत राहिला. एका देशाच्या भावजय आणि दीराने 2 पदके जिंकली. दीराने सुवर्ण (Gold Medal) तर भावजयने चांदीचे पदक (Silver Medal) जिंकले. महिला क्रिकेटचा अंतिम सामना जिंकून ऑस्ट्रेलियाने सुवर्णपदकावर कब्जा केला आहे.

भावजय आणि दीराने पदके जिंकली

अ‍ॅलिसा हिलीचा ऑस्ट्रेलियाच्या महिला क्रिकेट संघात समावेश होता. ती वेगवान गोलंदाज असून मिचेल स्टार्कची पत्नी आहे. तर स्टार्कचा धाकटा भाऊ ब्रेंडन स्टार्कही राष्ट्रकुल स्पर्धेत सहभागी होण्यासाठी मैदानात उतरला होता. ब्रेंडनने रौप्यपदक जिंकले. ब्रेंडनने अ‍ॅथलेटिक्स उंच उडी स्पर्धेत रौप्यपदक जिंकले. त्याने 2.25 मीटर उडी घेत पदकावर कब्जा केला. अ‍ॅलिसा अंतिम फेरीत विशेष काही करू शकली नाही. ती 7 धावा करून बाद झाली.

ऑस्ट्रेलियानंतर इंग्लंड पदकतालिकेत दुसऱ्या क्रमांकावर

विशेष म्हणजे ऑस्ट्रेलियानंतर इंग्लंड पदकतालिकेत दुसऱ्या क्रमांकावर आहे. त्याने 55 सुवर्ण, 59 रौप्य आणि 52 कांस्य पदके जिंकली आहेत. अशाप्रकारे इंग्लंडच्या खात्यात एकूण 166 पदके आहेत. या बाबतीत भारत पाचव्या स्थानावर आहे. टीम इंडियाने 18 सुवर्णपदके जिंकली आहेत. यासह त्याने 15 रौप्य आणि 22 कांस्यपदके जिंकली आहेत. 10 व्या दिवसापर्यंत भारताला एकूण 55 पदके मिळाली आहेत.

हे देखील वाचा-