Year Ender 2019 : वर्षभरात 'या' सेलिब्रिटींनी बांधली लग्नगाठ, पाहा त्यांचे खास फोटो

ब्रूना अब्दुल्लाह - अल्लन फ्रेजर : 'आई हेट लव स्टोरीज' आणि 'ग्रँड मस्ती' या चित्रपटांमधून बॉलिवूडमध्ये झळकलेली अभिनेत्री ब्रूना अब्दुल्लाह हिने अल्लन फ्रेजरसोबत लग्न केलं आहे. जेव्हा दोघांनी लग्न केलं तेव्हा ब्रूना गरोदर होती. लग्नानंतर 31 ऑगस्टला ब्रुनाने एका गोंडस मुलीला जन्म दिला. तिचं नाव इसाबेल ठेवलं आहे. (फोटो: इंस्टाग्राम)

नूसरत जहा - निखिल जैन : नुसरत यांनी बॉयफ्रेंड निखिल जैन याच्यासोबत तुर्की येथे लग्न केलं होतं. या सोहळ्याचा फोटो सोशल मीडियावर शेअर करत त्यांनी चाहत्यांना त्यांच्या लग्नाची माहिती दिली होती. काही महिन्यांच्या रिलेशनशिपनंतर दोघांनीही लग्न करण्याचा निर्णय घेतला. नुसरत जहां बंगाली सिनेसृष्टीतील आघाडीची अभिनेत्री म्हणूनही ओळखल्या जातात. (फोटो: इंस्टाग्राम)

निती मोहन - निहार पंड्या : 'इश्क वाला लव्ह' या गाण्यामुळे प्रसिदध झालेली गायिका निती मोहन यांनी 15 फेब्रुवारीला हैदराबादमध्ये लग्न केलं. नितिने 'मणिकर्णिका : द क्वीन ऑफ झांसी' फेम अभिनेता निहार पांड्यासोबत आपली लग्नगाठ बांधली. दरम्यान, निहार पांड्या टॉप बॉलिवूड अभिनेत्री दीपिका पादुकोनसोबत रिलेशनशिपमध्ये होता. (फोटो: इंस्टाग्राम)

प्रतीक बब्बर - सान्या सागर : 'जाने तू...या जाने ना' फेम अभिनेता प्रतीक बब्बरने 23 जानेवारी 2019 ला लखनौमध्ये सान्या सागरसोबत लग्न केलं. प्रतीक बब्बर बॉलिवूड अभिनेता राज बब्बर आणि स्मिता पाटील यांचा मुलगा आहे. सान्या सागर बीएसपी नेता पवन सागरची मुलगी आहे. दोघांच्या लग्नामध्ये अखिलेश यादव, मायावती यांच्यासह अनेक नेतेमंडळींनीही हजेरी लावली होती. (फोटो : इंस्टाग्राम)

आरती छाबडिया - विशारद बीडेसी : 'आवारा पागल दीवाना'मध्ये अक्षय कुमारसोबत काम केलेली अभिनेत्री आरती छाबडियाने 23 जून 2019ला मॉरिशसचा सीए विशारद बीडेस सोबत लग्न केलं. सोशल मीडियावरून अभिनेत्रीने आपल्या फॅन्सना ही बातमी सांगितली होती. (फोटो : इंस्टाग्राम)

पूजा बत्रा - नवाब शहा : माजी मिस इंडिया, इंटरनॅशनल आणि बॉलिवूड अभिनेत्री पूजा बत्राने जुलैमध्ये अभिनता नवाब शहासोबत आपली लग्नगाठ बांधली. याआधी 2002मध्ये पूजाने NRI डॉक्टर सोनू एस अहलूवालियासोबत लग्न केलं होतं. 2011मध्ये दोघांनी घटस्फोट घेतला आणि 2019मध्ये 'दबंग 3' मधील अभिनेता नवाब शहासोबत लग्न केलं. (फोटो: इंस्टाग्राम)

2019 हे वर्ष सेलिब्रिटी लग्नांसाठी गाजलं असं म्हटलं तरि वावगं ठरणार नाही. यावर्षी आरती छाबडिया, निती मोहन आणि प्रतीक बब्र यांसारख्या अनेक बॉलिवूड सेलिब्रिटींनी आपली लग्नगाठ बांधली. जाणून घेऊया यंदाच्या वर्षात बॉलिवूडच्या कोणत्या सेलिब्रिटी विवाहबंधनात अडकल्या त्यांच्याबाबत...