एक्स्प्लोर

Fact Check: फेसबुक वापरत आहे का तुमचे फोटो आणि वैयक्तिक माहिती? जाणून घ्या सत्य!

FACEBOOK : गेल्या काही दिवसांत फेसबुकवर एक पोस्ट व्हायरल आहे, ज्यात लोक फेसबुकला त्यांचे फोटो वा वैयक्तिक माहिती वापरण्याची परवानगी देत नाहीत असे लिहून ती शेअर करत आहेत.

Written By : abp majha web team | Updated at : 13 Aug 2025 09:56 AM (IST)

FACEBOOK

1/10

गेल्या काही दिवसांपासून फेसबुकवर एक विशेष पोस्ट व्हायरल होत आहे या पोस्टमध्ये लोक लिहित आहेत की ते फेसबुकला त्यांचे फोटो किंवा वैयक्तिक माहिती वापरण्याची परवानगी देत नाहीत इतर मित्रांनाही ही पोस्ट कॉपी-पेस्ट करण्याचं आवाहन केलं जातं दावा आहे की असे न केल्यास फेसबुकला डेटा वापरण्याचा कायदेशीर हक्क मिळेल.

2/10

व्हायरल पोस्टमध्ये लिहिलं आहे “माझे वैयक्तिक फोटो आणि माहिती वापरासाठी फेसबुकला कोणतीही परवानगी देत नाही.” तसेच, “गोपनीयतेचे उल्लंघन केल्यास कायदेशीर परिणाम होऊ शकतो.” ही पोस्ट मोठ्या प्रमाणावर शेअर केली जात आहे.

3/10

Fact Check नुसार, फेसबुक अकाउंट तयार करताना तुम्ही त्याच्या अटी व शर्ती मान्य करता. यात फेसबुक कोणता डेटा गोळा करेल आणि कसा वापरेल याची माहिती दिलेली असते. डेटा वापर कमी करायचा असल्यास प्रायव्हसी सेटिंग्स वापरणं हा एकमेव मार्ग आहे. कॉपी-पेस्ट पोस्ट यात काही बदल करू शकत नाही.

4/10

फेसबुकद्वारे फोटो आणि माहिती वापरण्याचा दावा चुकीचा आहे. फॅक्ट चेकनुसार हा दावा खोटा आहे. 2023 मध्येही अशा प्रकारची पोस्ट व्हायरल झाली होती. त्यावेळीही हा दावा खोटा असल्याचं सिद्ध झालं होतं.

5/10

फेसबुक खालील माहिती गोळा करते : (नाव, जन्मतारीख, ग्रुप्स, कॉन्टॅक्ट डेटा.) तुमचे फीचर्स वापरण्याची पद्धत आणि आवडी. डिव्हाइसची माहिती जसे की OS, नेटवर्क, लोकेशन.

6/10

ही माहिती काही प्रमाणात सेटिंग्समध्ये बदल करून कमी करता येते. पण पोस्ट टाकून यात काही फरक पडत नाही.अशा पोस्ट केवळ दिशाभूल करणाऱ्या असतात. त्या तुमची प्रायव्हसी सुरक्षित करत नाहीत.

7/10

सायबर सुरक्षा तज्ज्ञ सांगतात की अशा पोस्ट्स हॅकर्ससाठी उपयोगी ठरू शकतात. हॅकर्सना समजते की कोण फॅक्ट चेक न करता अशा पोस्टवर विश्वास ठेवतो.यामुळे तुम्ही फसवणुकीच्या निशाण्यावर येऊ शकता. म्हणून अशा पोस्टवर विश्वास ठेवू नका.

8/10

प्रायव्हसी जपण्यासाठी : सेटिंग्समध्ये जाऊन पोस्ट आणि फोटो कोण पाहू शकतो ते ठरवा. Off-Facebook Activity बंद करा. थर्ड-पार्टी ॲप्स तपासा आणि गरजेचे नसलेले हटवा.

9/10

Ad Preferences मधून जाहिरातींवर नियंत्रण ठेवा.संवेदनशील माहिती आणि लोकेशन सार्वजनिकरित्या पोस्ट करू नका. पूर्ण प्रायव्हसी हवी असल्यास अकाउंट डिलीट करा. तरी काही डेटा फेसबुककडे राहू शकतो.

10/10

फेसबुकवरील व्हायरल प्रायव्हसी पोस्ट ही फक्त अफवा आहे. प्रायव्हसीसाठी प्रत्यक्ष उपाय म्हणजे सेटिंग्समधून नियंत्रण ठेवणे. कोणत्याही व्हायरल मेसेजवर आंधळा विश्वास ठेवू नका. तुमची सुरक्षा तुमच्या हातात आहे.