Ind vs Ban : भारत-बांगलादेश पहिल्या कसोटीसाठी जाहीर झालेल्या टीम इंडियामध्ये 'हे' 7 मोठे बदल

टीम इंडिया आणि बांगलादेश यांच्यात 19 सप्टेंबर ते 23 सप्टेंबर दरम्यान चेन्नई येथे खेळल्या जाणाऱ्या दोन कसोटी सामन्यांच्या मालिकेतील पहिल्या सामन्यासाठी भारतीय कसोटी संघाची घोषणा करण्यात आली आहे.

India vs Bangladesh 1st Test

बांगलादेशविरुद्धच्या कसोटी मालिकेसाठी निवडकर्त्यांनी जाहीर केलेल्या टीम इंडियामध्ये पहिला आणि सर्वात मोठा बदल म्हणजे विराट कोहलीचे पुनरागमन. विराटने शेवटचा कसोटी सामना जानेवारीमध्ये दक्षिण आफ्रिकेविरुद्ध खेळला होता, त्यानंतर त्याने कोणतीही कसोटी मालिका खेळली नाही.

दुसरा बदल म्हणजे ऋषभ पंतने प्रदीर्घ काळानंतर कसोटी संघात पुन्हा पुनरागमन केलं आहे. दुसरीकडे केएल राहुलचीही संघात निवड झाली आहे. मात्र, राहुलचा प्लेईंग-11 मध्ये समावेश होईल की नाही हे सांगणे कठीण आहे.