Ram Mandir : डोंबिवलीत अयोध्येच्या श्रीराम मंदिराप्रमाणे मंदिर, एक महिनाभर चालणार वेगवेगळे कार्यक्रम

Dombivli Ram Mandir : अयोध्येत श्रीराम मंदिराच्या उद्घाटनच्या पार्श्वभूमीवर डोंबिवलीत महिनाभर कार्यक्रमाचे आयोजन करण्यात आले आहे.

Dombivli Ram Mandir

समस्त देशवासिय ज्या अयोध्येतील राम मंदिराची आतुरतेने वाट पाहत आहेत त्या राम मंदिराचे उद्घाटन 22 जानेवारी रोजी होत आहे. त्या निमित्ताने डोंबिवलीत महिनाभर उत्सव साजरा करण्यात येणार आहे.

डोंबिवली जिमखान्याच्या मैदानात 25 बाय 50 चे भव्य श्रीराम मंदिर उभारण्यात आले असून या मंदिरात शनिवारी श्रीरामाच्या प्रतिमा पूजन करण्यात आलं.

हा उत्सव महिनाभर चालणार असून या कार्यक्रमाचे उद्घाटन सर्वाजनिक बांधकाम मंत्री रवींद्र चव्हाण यांच्या हस्ते करण्यात आले.

या निमित्ताने डोंबिवलीतील सर्व सांस्कृतिक संस्थानी एकत्र येत श्रीरामावर आधारित गीत तयार केले असून हे गीत या कार्यक्रमाच्या प्रसंगी लॉन्च करण्यात आले.

राम मंदिराच्या प्रतिकृतीची डोंबिवलीतील कलाकारांनी महिनाभर झटून उभी केली आहे. 28 जानेवारीपर्यंत हे मंदिर डोंबिवलीकर नागरिकांना पाहता येणार आहे.

धनजय भोसेकर हे 18 ते 21 जानेवारी दरम्यान 'गीत रामायण' सादर करणार असून हा कार्यक्रम जिमखान्याच्या मैदानावर होणार आहे.

स्वामी नारायण ट्रस्टतर्फे श्री रामचरीत मानस सादर केले जाणार आहे. रामाची यशोगाथा पुढच्या पिढीपर्यंत पोहोचवण्यासाठी या विशेष कार्यक्रमाचे आयोजन करण्यात आले आहे.

पंतप्रधान नरेंद्र मोदींनी 500 वर्षात जे घडले नाही ते शक्य केले असून त्यामुळे जनमानसातून त्यांचे कौतुक होत असल्याचे मंत्री रवींद्र चव्हाण यांनी सांगितले.