Pune Weather Update: सूर्याचा प्रकोप! पुण्यात तापमानाने 128 वर्षांचा विक्रम मोडला, वाचा आजचा हवामान अंदाज

Pune Weather Alert: पुण्यात गेल्या काही दिवसांपासून उन्हाची तीव्रता मोठ्या प्रमाणावर वाढली आहे. तापमानाने अनेक वर्षांचा विक्रम मोडला आहे.

Pune Weather Alert

पुणे राज्यातील सर्वाधिक उष्ण शहरांच्या यादीमध्ये आलं आहे. एप्रिलमध्ये पुण्याचे सरासरी कमाल तापमान चाळीशी पार कायम आहे. उष्णतेने पुणेकर चांगलेच हैराण झाले आहेत.

पुणे शहर परिसरात मोठ्या प्रमाणावर उन्हाचा तडाखा जाणवू लागला आहे. लोहगावचा पारा गेले चार दिवस 43 अंशांवर गेल्याने यंदा 128 वर्षांचा विक्रम मोडीत निघाला आहे.

पुणे वेधशाळेच्या नोंदीनुसार, पुणे शहराचा पारा हा 30 एप्रिल 1897 नंतर म्हणजे तब्बल 128 वर्षांपूर्वी 43 अंशांवर गेला होता.

पुणे शहरात तापमानाचा पारा दिवसेंदिवस वाढत चालला असून उन्हाची तीव्रता वाढत आहे. पुणेकरांना काळजी घेण्याचं आवाहन देखील करण्यात आलं आहे.आज पुण्यात कमाल तापमान 40° इतकं आहे, तर किमान तापमान 23° इतकं आहे.

पुण्यात तापमानाने 128 वर्षांचा विक्रम मोडला आहे. पुण्यात बुधवारी म्हणजेच 23 एप्रिलला 43.6 अंश तापमानाची नोंद झाली आहे.

यापूर्वी 30 एप्रिल 1897 ला 43.3 तापमानाची नोंद झाली होती, त्यानंतर मात्र 128 वर्षांनी काल तापमानाने विक्रम मोडला आहे.