Pune Fire : विमान नगरच्या सॉलिटर बिझनेस हबला आग; 2000 कर्मचारी सुरक्षित ठिकाणी हलवले

बिझनेस हबला आग लागल्यामुळे सगळीकडे तारांबळ उडाली आहे.

pune fire

विमान नगर येथील सॉलिटर बिझनेस हब या आयटी कंपनीमधे दुपारी साडेबाराच्या सुमारास आगीची घटना घडली होती.

बेसमेंटला असणाऱ्या इलेक्ट्रिक रुममध्ये आग लागून वर शेवटच्या नऊ मजल्यापर्यंत त्याचा धूर मोठ्या प्रमाणात पसरला गेल्याचा अंदाज वर्तवला जात आहे.

अग्निशमन दलाकडून 4 वाहने दाखल करण्यात आली होती.

या आगीत कोणतीही जीवितहाणी झाली नाही मात्र इमारतीचं काही प्रमाणात नुकसान झालं आहे.

आगीची घटना घडली त्यावेळी 2000 कर्मचारी कार्यरत होते.

या सगळ्या कर्मचाऱ्यांना आगीची घटना घडल्यावर सुरक्षित ठिकाणी हलवण्यात आलं होतं.

सध्या आग नियंत्रणात असून कुलिंग करण्याचे काम सुरू आहे.

अचानक लागलेल्या आगीमुळे कर्मचाऱ्यांची तारांबळ उडाली होती.