Indapur Fire:इंदापुरात भीषण आग; मुख्य पेठेतील दुकानं आगीच्या भक्ष्यस्थानी

Indapur Fire News: इंदापूर तालुक्यातील कुरवली गावात रात्री दहा वाजण्याच्या सुमारास भीषण आग लागली. विजेच्या शॉर्टसर्किटमुळे अचानक आग लागल्याची माहिती मिळत आहे.

Indapur Fire News

इंदापूर तालुक्यातील कुरवली गावात रात्री दहा वाजण्याच्या सुमारास भीषण आग लागली.

विजेच्या शॉर्टसर्किटमुळे अचानक आग लागल्याची माहिती मिळत आहे.

अचानक लागलेल्या आगीत तब्बल चार दुकानं जळून खाक झाली आहेत.

इलेक्ट्रॉनिक दुकानासह फर्निचर, दुचाकीचं गॅरेज आगीच्या भक्ष्यस्थानी आली.

गावातील मुख्य पेठेत लागलेल्या या आगीमुळे व्यापाऱ्यांमध्ये काही काळासाठी भीतीचं वातावरण पसरलं होतं.

आग इतकी भीषण होती की, दोन दुचाकींचा यामध्ये स्फोट झाला.

दरम्यान गावकऱ्यांनी आग विझवण्याचा प्रयत्न केला. तसेच, आजुबाजूच्या दुकानांतील सामान बाहेर काढले. त्यामुळे होणारं नुकसान टळलं.

आगीची माहिती अग्निशमन दलाला देण्यात आली. आग इतकी भीषण होती की, रात्री उशिरापर्यंत ही आग धुमसत होती.

अग्निशामक दलाला रात्री उशिरा आगीवर नियंत्रण मिळवण्यात यश आलं.

सुदैवानं या आगीत कोणतीही जीवितहानी झालेली नाही. पण मोठं आर्थिक नुकसान झालं आहे.