शक्तिप्रदर्शन! शेकडो गाड्या अन् हजारो कार्यकर्ते; शरद पवारांचे जोरदार स्वागत, पाहा फोटो

Sharad Pawar: शरद पवारांची आज बीडमध्ये पहिली 'स्वाभिमान सभा' होणार आहे.

Sharad Pawar

शरद पवारांची (Sharad Pawar) आज बीडमध्ये (Beed) स्वाभिमान सभा आयोजित करण्यात आली आहे.

राष्ट्रवादीच्या फुटीनंतर शरद पवारांनी जाहीर केल्याप्रमाणे आज बीडमध्ये सभा घेणार आहेत.

शरद पवार यांचा ताफा आज सकाळीच औरंगाबाद येथून बीडच्या दिशेने निघाला आहे.

दरम्यान बीडकडे जाताना शरद पवारांचा ताफा ठिकठिकाणी थांबवून त्यांचे सत्कार करण्यात येत आहे.

यावेळी शरद पवारांच्या ताफ्यात शेकडो गाड्या पाहायला मिळत असून, बीडकडे हा ताफा निघाला आहे.

अनेक ठिकाणी शरद पवारांच्या ताफ्यावर जेसीबीच्या मदतीने फुलांची उधळण करुन पवारांचे स्वागत करण्यात आले.

तसेच काही ठिकाणी भला मोठा फुलांचा हार जेसीबीच्या मदतीने लावून पवारांचे जंगी स्वागत करण्यात आले.

यावेळी ठिकठिकाणी रस्त्याच्या दोन्ही बाजूने शेकडो कार्यकर्ते शरद पवारांच्या स्वागतासाठी उभे असल्याचे पाहायला मिळाले.

अनेक ठिकाणी शरद पवारांच्या स्वागतासाठी मोठी गर्दी उसळल्याचे पाहायला मिळत आहे.

तर शरद पवार बीडमध्ये दाखल झाले असून, बीड बायपासपासून शरद पवार यांच्या रॅलीला सुरुवात झाली आहे.

यावेळी शरद पवार यांच्यासह रोहित पवार आणि राजेश टोपे देखील सहभागी असल्याचे पाहायला मिळत आहेत.