Mumbai Metro Line 3 Aqua Line: दक्षिण मुंबईतील गिरगाव, काळबादेवी अंडर ग्राउंड मेट्रो स्टेशन कसं दिसतं?; पाहा Photo

Mumbai Metro Line 3 Aqua Line: आज पंतप्रधान नरेंद्र मोदी मुंबई मेट्रो लाईन-3 (अक्वा लाईन) च्या अखेरच्या टप्प्याचं उद्घाटन करणार आहेत.

Mumbai Metro Line 3 Aqua Line

Mumbai Metro Line 3 Aqua Line: मुंबईकरांची मेट्रोसाठीची प्रतिक्षा आता संपणार आहे.

आज पंतप्रधान नरेंद्र मोदी (Narendra Modi In Mumbai) मुंबई मेट्रो लाईन-3 (अक्वा लाईन) च्या (Mumbai Metro Line 3) अखेरच्या टप्प्याचं उद्घाटन करणार आहेत.

मेट्रो लाईन 3 आचार्य अत्रे चौक (वरळी) आणि कफ परेड यांना जोडणार आहे.

दरम्यान, मेट्रो लाईन 3 मधील गिरगाव, काळबादेवी स्थानकाचे फोटो समोर आले आहे.

मुंबईच्या इतिहासातील पहिली संपूर्ण भूमिगत मेट्रो लाईन म्हणजेच लाईन-3. ही लाईन संपूर्ण 33.5 किमी लांबीची असून पूर्णपणे अंडरग्राउंड आहे.

हा प्रकल्प मुंबईला जागतिक दर्जाच्या अंडरग्राउंड मेट्रो असलेल्या शहरांच्या यादीत आणणार आहे.

या मेट्रो लाईनची एकूण लांबी 33.5 किलोमीटर आहे, ज्यामध्ये कफ परेड ते आरे कॉलनी दरम्यान 27 स्थानके आहेत.

पूर्णपणे कार्यान्वित झाल्यानंतर आरे-जोगेश्वरी-विक्रोळी लिंक रोड (JVLR) ते कफ परेड हे अंतर काही मिनिटांत पूर्ण होणार आहे.

प्रत्येक स्थानकात अनेक प्रवेशद्वारे, अपंगांसाठी रॅम्प आणि लिफ्ट्स, तसेच आधुनिक सुरक्षा व्यवस्था असणार आहे.

सीसीटीव्ही आणि डिजिटल साईनेजच्या मदतीने प्रवाशांची सुरक्षितता आणि सुविधा सुनिश्चित करण्यात आली आहे.

कफ परेड ते आचार्य अत्रे चौक हे अंतर आता काही मिनिटांत पूर्ण होणार आहे, ज्यामुळे वेळ आणि उर्जेची बचत होईल. यामुळे दरवर्षी सुमारे 2.61 लाख टन CO₂ उत्सर्जन कमी होण्याचा अंदाज आहे.

‘वन नेशन, वन कार्ड’ – या योजनेअंतर्गत प्रवासी एकाच कार्डद्वारे मेट्रो, बेस्ट बस, लोकल ट्रेन, मोनोरेलमध्ये प्रवास करू शकतील. भाडं ₹10 ते ₹70 दरम्यान असून सर्वसामान्यांसाठी परवडणारे आहे.

नवीन तंत्रज्ञान आणि पूरक सेवा वापरून प्रवाशांना दर 5 मिनिटांनी मेट्रो सेवा मिळणार आहे. ही लाईन इतर मेट्रो प्रकल्पांशी जोडली जाणार असून, मुंबईसाठी एक एकात्मिक सार्वजनिक वाहतूक जाळं तयार होणार आहे.