Manoj Jarange Mumbai Maratha Morcha: आझाद मैदान मराठ्यांच्या गर्दीनं तुडुंब भरलं, रस्त्यांवरही गर्दी जमण्यास सुरुवात; मुंबईच्या वेशीवरही हजारो गाड्यांचा ताफा

Manoj Jarange Mumbai Maratha Morcha: आझाद मैदानात 5 हजार जणांना परवानगी देण्यात आली असली तरी सकाळी अवघ्या काही मिनिटांमध्ये आझाद मैदान हे गर्दीने फुलून गेलं आहे.

Manoj Jarange Mumbai Maratha Morcha

मराठा आंदोलक मनोज जरांगे पाटील यांनी आंतरवाली सराटीपासून सुरू केलेला प्रवास अखेर आझाद मैदानामध्ये पोहोचला आहे.

मुंबईमध्ये आज मराठ्यांचा महाएल्गार होत असून अभूतपूर्व गर्दी जरांगे पाटील यांच्या स्वागतासाठी झाली आहे.

मुंबईच्या वेशीपासून आझाद मैदानापर्यंत सर्वत्र फक्त मराठा वादळ दिसून येत आहे.

अजूनही आंदोलक ग्रामीण भागातून नवी मुंबईत दाखल होत आहेत.

मराठवाडा, पश्चिम महाराष्ट्र, विदर्भातील मराठा आंदोलकांना नवी मुंबईतील एपीएमसी मार्केटमध्ये राहण्याची सोय करण्यात आली होती.

आंदोलनाला परवानगी एक दिवसाची असली तरी अभूतपूर्व गर्दी या आंदोलनाच्या निमित्ताने झाली आहे.

आझाद मैदानात 5 हजार जणांना परवानगी देण्यात आली असली तरी सकाळी अवघ्या काही मिनिटांमध्ये आझाद मैदान हे गर्दीने फुलून गेलं आहे.

छत्रपती शिवाजी महाराज टर्मिनस पासून ते आझाद मैदान ते पार मुंबईच्या वेशीपर्यंत मराठ्यांची गर्दी दिसून येत आहे.

त्यामुळे गर्दीला नियंत्रित करण्यासाठी आता मुंबई पोलिसांना मोठी कसरत करावी लागणार आहे.

वाहतुकीवर सुद्धामोठा ताण निर्माण झाला आहे. दहा वाजण्याच्या सुमारास मनोज जरांगे पाटील यांचे आझाद मैदानातील आंदोलनस्थळी आगमन झालं.

एकदिवसीय आंदोलन आझाद मैदानात केल्यानंतर पुढील रणनीती काय ठरवणार? याकडे सुद्धा राजकीय वर्तुळाचे लक्ष आहे