In Pics : विठ्ठल भक्तांना खुशखबर... 31 प्रकारच्या विविध आकर्षक छबीत मिळणार वॉटरप्रूफ विठुरायाच्या प्रतिमा

Feature_Photo_

सध्या कोरोना संकटामुळे सर्वत्र लॉकडाऊन असल्याने विठ्ठल मंदिरही कुलूपबंद आहे . या वेळेचा सदुपयोग करीत मंदिर प्रशासनाने विठुरायाच्या अतिशय आकर्षक 31 प्रकारच्या प्रतिमा तयार करून घेतल्या आहे.

लॉकडाऊन लांबला तर जगभरातील विठ्ठल भक्तांना या प्रतिमा ऑनलाईन विक्री करण्याची तयारीही मंदिर समितीने ठेवली आहे.

वास्तविक वर्षभर देवाला विविध सणाला आकर्षक पद्धतीने सजविण्यात येत असते. देवाचे हे विविध पोशाख आणि वेशातील फोटो मिळावेत अशी मागणी भाविक सातत्याने करत असे.

लॉकडाऊनमध्ये मंदिर समितीने प्रोफेशनल फोटोग्राफर कडून विठुराया आणि रुक्मिणी मातेच्या विविध पोशाखातील शेकडो फोटो काढून घेतले होते.

यातील पहिल्या टप्प्यात निवडक 31 फोटोच्या विविध आकारातील 76 हजार प्रिंट घेतल्या होत्या.

भाविकांना या नवीन प्रतिमा देताना काचेचा वापर न करता वॉटरप्रूफ पद्धतीच्या प्रतिमा बनविण्यासाठी खास पद्धतीचा लॅमिनेशन कागद आणि हॉट फोटो लॅमिनेशन मशीन विकत घेतली.

मंदिरातील 8 कर्मचाऱ्यांना प्रतिमा बनविण्याचे ट्रेनिंग देऊन या नवीन पद्धतीच्या प्रतिमा बनविण्यास सुरुवात केली.

आता लहान मोठ्या आकारातील शेकडो प्रतिमा तयार झाल्या असून लॉक डाऊन उठल्यास या प्रतिमा मंदिराच्या फोटो दुकानात विक्रीस ठेवल्या जाणार आहेत.

सध्या भाविकांकडून सातत्याने मागणी होत असल्याने मंदिर समितीने लॉकडाऊन न उठल्यास देशभरातील भाविकांना ऑनलाईन विक्री करण्याची तयारी ठेवली आहे.

मंदिर कर्मचाऱ्यांनी हजारो वॉटरप्रूफ प्रतिमा बनविल्या आहे.

यामुळे आता विठुरायाच्या अतिशय मनमोहक विविध पोशाखातील रूपे आपल्या घरात , दुकानात आपण आणू शकणार आहे.