Manoj Bajpayee In Kolhapur : देवी अंबाबाईचा प्रसाद म्हणून मिळालेला वृक्ष तुमच्या अनेक पिढ्यांना लाभदायक ठरेल : मनोज वाजपेयी

Manoj Bajpayee In Kolhapur : देवी अंबाबाईचा प्रसाद म्हणून मिळालेला वृक्ष तुमच्या अनेक पिढ्यांना लाभदायक ठरेल, असे मत मनोज वाजपेयी यांनी व्यक्त केले. यावेळी अभिनेते सयाजी शिंदे उपस्थित होते.

Manoj Bajpayee In Kolhapur

अभिनेते मनोज वाजपेयी यांनी कोल्हापुरात अंबाबाई मंदिरात शुक्रवारी सांयकाळी वृक्षप्रसाद योजनेच्या लोकार्पण सोहळ्याला हजेरी लावली.

कोल्हापूर आणि सह्याद्री देवराई यांच्या संयुक्त विद्यमानाने श्री महालक्ष्मी मंदिरात हा कार्यक्रम पार पडला.

यावेळी त्यांच्यासोबत अभिनेते सयाजी शिंदेही उपस्थित होते.

देवी अंबाबाईचा प्रसाद म्हणून मिळालेला वृक्ष तुमच्या अनेक पिढ्यांना लाभदायक ठरेल, असे मत मनोज वाजपेयी यांनी व्यक्त केले.

सह्याद्री वनराई संस्था, देवस्थान समितीतर्फे अंबाबाई मंदिरात अभिषेक करण्यासाठी येणाऱ्या भाविकांना वृक्ष प्रसाद वाटप योजनेच्या आरंभप्रसंगी ते बोलत होते.

सह्याद्री देवराई सामाजिक संस्था, पश्चिम महाराष्ट्र देवस्थान व्यवस्थापन समिती आणि सामाजिक वनीकरण विभागातर्फे हा कार्यक्रम घेण्यात आला.

अंबाबाई मंदिरात भाविकांना म्हाळुंग, पारिजातक, बेल जास्वंदी, अर्जुन आदी जातीची फळफुलांची रोपे देण्यात येणार आहेत.

‘वृक्ष प्रसाद’ ही मोहीम नव्हे, हा एक विचार आहे आणि हा विचार कोल्हापुरातूनच सुरू झाला. ज्यांची देव आणि आई-वडिलांवर श्रद्धा आहे, त्यांनी हा प्रसाद न्यायचा आहे. झाड कधी तुम्हाला फसवत नसल्याचे सयाजी शिंदे म्हणाले.

यापुढे राज्यभर ही योजना राबवण्यात येणार आहे.

भाविकांना मिळालेले झाड त्यांनी कुठे लावले आणि त्याचे संगोपन केले, याचे सेल्फी पाठवण्याचेही आवाहन संस्थेने केले आहे.

मनोज वाजपेयी यांनी अंबाबाई मंदिरात ध्यानही केलं