एक्स्प्लोर

Bharat Gaurav Deluxe Tourist Train : मिनी लायब्ररी, फाईव्ह स्टार हॉटेलसारख्या सुविधा; भारतीय रेल्वेची विशेष ट्रेन

Bharat Gaurav Deluxe Tourist Train : भारतीय पर्यटनाला चालना देण्यासाठी आणि जगभरातील पर्यटकांना आकर्षित करण्यासाठी भारतीय रेल्वेने 2021 मध्ये भारत गौरव योजना सुरु केली.

Written By : एबीपी माझा वेब टीम | Updated at : 23 Mar 2023 04:33 PM (IST)

Bharat Gaurav Deluxe Tourist Train

1/7

भारतीय रेल्वेने भारत गौरव डिलक्स पर्यटक ट्रेन सुरु केली, जी ईशान्य भारत (North East India) सर्किट पूर्ण करण्यासाठी नवी दिल्लीहून रवाना झाली.

2/7

ही ट्रेन आसाम, अरुणाचल प्रदेश, नागालँड, त्रिपुरा आणि मेघालय या राज्यात जाईल. ही ट्रेन 15 दिवसांत ईशान्य भारत सर्किटचा प्रवास करेल. ईशान्य भारत सर्किटची थीम "नॉर्थ ईस्ट डिस्कव्हरी: बियॉन्ड गुवाहाटी" अशी आहे.

3/7

देशांतर्गत पर्यटनाला चालना देण्यासाठी भारत सरकारच्या "एक भारत श्रेष्ठ भारत" आणि "देखो अपना देश" या उपक्रमांतर्गत भारत गौरव पर्यटक ट्रेनचा शुभारंभ करण्यात आला आहे.

4/7

दिल्ली, गाझियाबाद, अलीगढ, तुंडला, इटावा, कानपूर, लखनौ आणि वाराणसी इथून या ट्रेनमध्ये बोर्डिंग आणि डी-बोर्डिंगला परवानगी असेल. या डिलक्स एसी ट्रेनमध्ये एकूण 156 पर्यटक प्रवास करु शकतात. यात 1 एसी आणि 2 एसी कोचची व्यवस्था आहे.

5/7

आधुनिक डिलक्स एसी टुरिस्ट ट्रेनमध्ये दोन उत्तम रेस्टॉरंट्सशिवाय मिनी लायब्ररीसारख्या अनेक सुविधा उपलब्ध असतील.

6/7

जर आपण या ट्रेनच्या भाड्याबद्दल बोललो तर ते एसी 2-टायरमध्ये प्रति व्यक्ती 1,06,990 रुपये, एसी-1 केबिनमध्ये प्रति व्यक्ती 1,31,990 रुपये आणि एसी-1 कूपमध्ये 1,49,290 रुपये प्रति व्यक्तीपासून सुरु होतं.

7/7

तिकिटामध्ये रेल्वे प्रवास, हॉटेलमध्ये मुक्काम, सर्व शाकाहारी जेवण, संबंधित शहरांमध्ये प्रेक्षणीय स्थळे पाहणं आणि इतर खर्चाव्यतिरिक्त प्रवास विमा शुल्काचा समावेश आहे.